5 ວິທີຈັດການກັບຊີວິດ ຫາກຕ້ອງກາຍເປັນຄົນວ່າງວຽກກະທັນຫັນ

ໃນໄລຍະທີ່ສະພາບເສດຖະກິດຢຸດສະງັກຍ້ອນຜົນກະທົບຈາກການແຜ່ລະບາດຂອງໂຄວິດ-19 ເຮັດໃຫ້ຫລາຍຄົນໄດ້ຮັບຜົນ ກະທົບໄປນຳ ແລະ ມີຢູ່ບໍ່ໜ້ອຍທີ່ຕ້ອງປ່ຽນສະຖານະຈາກພະນັກງານ, ລູກຈ້າງ ກາຍເປັນຄົນວ່າງວຽກວ່າງງານ. ຫາກໃຜທີ່ ຕ້ອງພະເຊີນກັບສະຖານະການແບບນີ້ ຕໍ່ໄປນີ້ແມ່ນ 5 ວິທີທີ່ຈະຊ່ວຍໃຫ້ທ່ານຍ່າງຕໍ່ໄປໄດ້ ຫລັງຈາກຖືກບໍລິສັດປົດອອກຈາກ ວຽກ ແບບບໍ່ທັນຕັ້ງໂຕ.

1. ເສຍໃຈໄດ້, ແຕ່ຢ່າຈົມປັກ : ເມື່ອຕ້ອງຢູ່ໃນສະຖານະວ່າງງານແບບບໍ່ເຕັມໃຈ ທຸກຄົນຍ່ອມຮູ້ສຶກເສຍໃຈກັນເປັນທຳມະ ດາ ຈຶ່ງບໍ່ແມ່ນເລື່ອງແປກຫາກທ່ານຈະປ່ອຍໃຫ້ຕົນເອງຢູ່ກັບອາລົມໂສກເສົ້າທີ່ເກີດຂຶ້ນ, ແຕ່ຫາກປ່ອຍໃຫ້ຕົນເອງຈົມຢູ່ ກັບຄວາມຮູ້ສຶກນັ້ນດົນເກີນໄປກໍຈະເຮັດໃຫ້ທ່ານກັບມາເລີ່ມຕົ້ນໃໝ່ໄດ້ຍາກຂຶ້ນເທົ່ານັ້ນ.
2. ເຮັດກິດຈະວັດທຸກຢ່າງຕາມປົກກະຕິ : ຫາກຈະຖືໂອກາດທີ່ຕົກງານ ພັກກາຍ ແລະ ໃຈ ຄືກັບໄລຍະເວລາພັກປະຈຳປີ ກໍເປັນສິ່ງທີ່ເຮັດໄດ້ຄືກັນ, ແຕ່ຫລັງຈາກພັກສະໝອງແລ້ວ ໃຫ້ກັບມາໃຊ້ຊີວິດ ແລະ ເຮັດກິດຈະວັດປະຈຳວັນໃຫ້ຄືເກົ່າ ທັງການຕື່ນນອນ, ພັກກິນເຂົ້າ ພຽງແຕ່ປ່ຽນຈາກການເຮັດວຽກ ມາເລີ່ມຊອກວຽກໃໝ່ໃຫ້ໄດ້ໂດຍໄວທີ່ສຸດ.
3. ຫາໂອກາດຮຽນຮູ້ທັກສະໃໝ່ໆ : ໄລຍະເວລາທີ່ວ່າງໆ ແລະ ບໍ່ຕ້ອງຮີບຮ້ອຍເຮັດຫຍັງແບບນີ້ ເປັນໂອກາດອັນດີທີ່ທ່ານ ຈະເພີ່ມທັກສະໃໝ່ໆໃຫ້ກັບຕົນເອງໂດຍການລົງສະໝັກຮຽນຫລັກສູດຕ່າງໆທີ່ໜ້າສົນໃຈ ເພື່ອຕໍ່ຍອດໃຫ້ກັບອາຊີບຂອງ ທ່ານ ບາງເທື່ອທ່ານອາດຈະໄດ້ຄົ້ນພົບສາຍວຽກໃໝ່ໆ ຫລື ທຸລະກິດທີ່ເໝາະສົມກັບໂຕທ່ານເອງກໍເປັນໄດ້.
4. ຢ່າໂທດຕົນເອງຖ້າຖືກປະຕິເສດ : ເຖິງວ່າການຊອກວຽກບໍ່ແມ່ນເລື່ອງງ່າຍ ແລະ ມີສິດທີ່ທ່ານຈະຖືກປະຕິເສດຈາກບໍລິ ສັດຕ່າງໆທີ່ຍື່ນໃບສະໝັກໄວ້, ແຕ່ກໍບໍ່ຈຳເປັນຕ້ອງໂທດຕົນເອງວ່າເປັນຄົນໄຮ້ຄວາມສາມາດ ໃຫ້ກ້າວຕໍ່ໄປຂ້າງໜ້າສະ ໝັກວຽກຕໍ່ໄປ ແລະ ຄຳນຶງໄວ້ສະເໝີວ່ານີ້ແມ່ນການຄົ້ນຫາສິ່ງທີ່ດີສຳລັບທ່ານ ບໍ່ແມ່ນແຕ່ຊອກວຽກໄປແຕ່ລະມື້.
5. ຫາຄົນປຶກສາຖ້າຍັງຮູ້ສຶກບໍ່ດີ : ຢ່າປ່ອຍໃຫ້ຄວາມຮູ້ສຶກບໍ່ດີຈາກການວ່າງງານກັດກິນໃຈທ່ານຈົນບໍ່ເປັນອັນຈະເຮັດຈະ ຫາຫຍັງ ຫາກຮູ້ສຶກວ່າຍັງບໍ່ດີຂຶ້ນ ເຖິງວ່າເຫດການນີ້ຜ່ານພົ້ນໄປຈັກໄລຍະໜຶ່ງແລ້ວ ໃຫ້ປຶກສາຄົນທີ່ທ່ານໄວ້ວາງໃຈ ຫລື ຖ້າມີປະຫວັດອາການຊຶມເສົ້າຢູ່ແລ້ວກໍຄວນຮີບປຶກສາແພດ ບໍ່ຢູ່ຄົນດຽວພຽງລຳພັງ.