ທ່າແຕງຫວນຄືນມູນເຊື້ອ ວັນສ້າງຕັ້ງສະຫະພັນແມ່ຍິງລາວ

ເມື່ອທ້າຍອາທິດຜ່ານມານີ້, ເອື້ອຍນ້ອງແມ່ຍິງຈາກສະຫະ ພັນແມ່ຍິງຫ້ອງການຕ່າງໆ ອ້ອມ ຂ້າງເມືອງທ່າແຕງແຂວງເຊ ກອງຈໍານວນຫລາຍຄົນໄດ້ຮັບ ຟັງມູນເຊື້ອການ ເຕີບໃຫ່ຍຂະຫຍາຍຕົວຂອງສະຫະພັນແມ່ ຍິງລາວຕະຫລອດໄລຍະ 62 ປີ ຜ່ານມາ (20 ກໍລະກົດ 1955-20 ກໍລະກົດ 2017), ໂດຍການ ເຂົ້າຮ່ວມຂອງທ່ານ ຄຳສອນ ກອນເຍີ ເຈົ້າເມືອງທ່າແຕງ.

+ ທ່າແຕງທຳລາຍສິນຄ້າໝົດອາຍຸ

+ ລາວກຽມສະຫລອງວັນສ້າງຕັ້ງສະຫະພັນແມ່ຍິງຄົບຮອບ 62 ປີ

+ ສະຫວັນນະເຂດສະຫລອງວັນສ້າງຕັ້ງສະຫະພັນແມ່ຍິງລາວ

ຮອງປະທານສະຫະພັນ ແມ່ຍິງເມືອງໄດ້ເລົ່າຄືນປະຫວັດການກຳເນີດ ແລະ ການເຕີບ ໃຫ່ຍຂະຫຍາຍຕົວຂອງແມ່ຍິງ ລາວວ່າ: ພາຍຫລັງພັກປະຊາຊົນ ປະຕິວັດລາວໄດ້ຮັບການ ສ້າງຕັ້ງຂຶ້ນໃນວັນທີ 22 ມີນາ 1955, ຈາກນັ້ນພັກກໍໄດ້ເອົາໃຈໃສ່ປຸກ ລະດົມ, ຂົນຂວາຍ ກໍ່ສ້າງແມ່ ຍິງ ໃຫ້ມີຄວາມຕື່ນຕົວປະກອບ ສ່ວນໃນພາລະກິດປະຕິວັດ ແລະ ຖືແມ່ຍິງເປັນ ພາກສ່ວນໜຶ່ງ ໃນກຳລັງແຮງສຳຄັນຂອງພັກ, ມາຮອດ ວັນທີ 20 ກໍລະກົດ 1955 ພັກໄດ້ຈັດຕັ້ງຄົ້ນຄວ້າ ວຽກງານແມ່ຍິງ, ເຊີ່ງຖືເປັນ ຕົ້ນກຳເນີດ ຂອງອົງການຈັດ ຕັ້ງສະຫະພັນ ແມ່ຍິງລາວມາ ຮອດປັດຈຸບັນ, ນັບແຕ່ມື້ສ້າງ ຕັ້ງເປັນຕົ້ນມາ, ອົງການຈັດຕັ້ງ ແມ່ຍິງໄດ້ເຄື່ອນ ໄຫວຕາມພາ ລະບົດບາດໜ້າທີ່ ຂອງຕົນຢ່າງ ແຂງແຮງເປັນຕົ້ນ: ໄດ້ເອົາໃຈ ໃສ່ປະ ຕິບັດໂຄງການພັດທະນາ ແລະ ຍົກສູງບົດບາດຂອງເອື້ອຍ ນ້ອງແມ່ຍິງ, ໃນປີ 1958 ແມ່ນ ປີທຳອິດໃນປະຫວັດສາດຂອງ ຊາດເຮົາທີ່ອົງການຈັດຕັ້ງ ແມ່ຍິງໄດ້ເຂົ້າຮ່ວມຄົ້ນຄວ້າ ແລະ ສະເໜີໃຫ້ດັດແປງກົດ ໝາຍການເລືອກຕັ້ງຄືນໃໝ່, ໂດຍໃຫ້ແມ່ຍິງລາວບັນດາເຜົ່າ ທີ່ມີອາຍຸ 18 ປີຂຶ້ນໄປມີສິດປ່ອນ ບັດເລືອກຕັ້ງ ແລະ ອາຍຸ 21 ປີຂຶ້ນໄປມີສິດສະໝັກຮັບເລືອກ ຕັ້ງເປັນຜູ້ແທນລາຊະດອນ, ນັບແຕ່ມື້ນັ້ນມາແມ່ຍິງລາວບັນ ດາເຜົ່າ ຍີ່ງມີບົດບາດສູງເດັ່ນ ຂຶ້ນໃນສັງຄົມກໍຄືໃນເວທີສາກົນ ແລະ ໄດ້ຮັບການພັດທະນາໃນ ທຸກດ້ານ.

ໂອກາດດັ່ງກ່າວທ່ານ ເຈົ້າ ເມືອງທ່າແຕງກໍໄດ້ໂອ້ລົມ ເນັ້ນໃຫ້ສະມະຊິກແມ່ຍິງ ຈົ່ງໄດ້ ຮັບຮູ້ເຂົ້າໃຈຢ່າງເລິກເຊິ່ງ, ກໍາ ແໜ້ນມູນເຊື້ອອັນດີງາມຂອງ ແມ່ຍິງລາວ, ເອົາໃຈໃສ່ເຕົ້າໂຮມ ຄວາມສາມັກຄີພາຍໃນໃຫ້ໜັກແໜ້ນ, ປະກອບສ່ວນໃນການ ປົກປັກຮັກສາ ແລະ ສ້າງສາພັດ ທະນາປະເທດຊາດໃຫ້ມັ່ງຄັ່ງ ເຂັ້ມແຂງ, ປະຊາຊົນຮັ່ງມີຜາ ສຸກ, ສັງຄົມມີຄວາມສະຫງົບ ແລະ ຍຸຕິທຳ, ພ້ອມທັງມອບ ຂອງຂວັນໃຫ້ແກ່ພະນັກງານ ອາວຸໂສປະຕິວັດອະດີດປະ ທານສະຫະພັນແມ່ຍິງເມືອງ ຈຳນວນ 2 ທ່ານ.