ແຜ່ນດິນໄຫວຢູ່ເກຣັກ-ຕວກກີ ມີຜູ້ເສຍຊີວິດ ແລະ ບາດເຈັບນັບຮ້ອຍ
ເຫດແຜ່ນດິນໄຫວຫລ້າສຸດເຂດທະເລອີຈຽນທາງຝັ່ງຕວກກີ ແລະ ເກາະຢູ່ເກຣັກບໍລິເວນໃກ້ຄຽງ ເຮັດໃຫ້ມີຜູ້ເສຍຊີວິດ 2 ຄົນ ແລະ ບາດເຈັບກວ່າ 120 ຄົນ, ຜູ້ຢູ່ເກາະຄອສຂອງເກຣັກບອກວ່າລະດັບນ້ຳທະເລສູງຂຶ້ນ ພາຍຫລັງແຜ່ນດິນໄຫວທີ່ເຮັດໃຫ້ເກີດສຶນາມິຕາມແຄມຝັ່ງ.
ເຈົ້າໜ້າທີ່ປະກາດເຕືອນວ່າຈະມີຄື້ນສຶນາມິຂະໜາດນ້ອຍ ພາຍຫລັງແຜ່ນດິນໄຫວຂະໜາດ 6,5 ເມື່ອເວລາປະມານ 01:30 ໂມງ ວັນທີ 21 ກໍລະກົດຕາມເວລາທ້ອງຖິ່ນ ໂດຍມີນ້ຳຖ້ວມຫົນທາງຕາມແຄມຝັ່ງ ແລະ ບາງພື້ນທີ່ຂອງເມືອງໃຫຍ່ຢູ່ເກາະ ຕ້ອງເອົາເຮືອອອກມາແລ່ນ ແລະ ລົດຫລາຍຄັນຕຳກັນເພາະລະດັບນ້ຳທະເລຖ້ວມສູງ, ແຜ່ນດິນໄຫວຍັງກໍ່ໃຫ້ເກີດຄວາມເສຍຫາຍຢູ່ຕຶກເກົ່າໃນເກາະຄອສ ມີຜູ້ເສຍຊີວິດຢ່າງໜ້ອຍ 2 ຄົນ ແລະ ບາດເຈັບກວ່າ 120 ຄົນ, ມີເສດດິນຈີ່ ແລະ ຊາກຫັກພັງເຕັມຫົນທາງ, ນັກທ່ອງທ່ຽວບາງສ່ວນຕ້ອງອາໄສນອນກາງແຈ້ງເພື່ອຄວາມປອດໄພໃນລະຫວ່າງທີ່ມີອາບເຕີຊັອກ.
