ສປປ.ລາວ ຈັດກິດຈະກຳງານອາຫານທະເລໄທ “ສົດ ສະອາດ ປອດໄພ” ບໍ່ມີການປົນເປື້ນຈາກໂຄວິດ-19 ສ້າງຄວາມໝັ້ນໃຈ ອາຫານທະເລໄທ ປອດໄພໃຫ້ຜູ້ບໍລິໂພກ
ສຳນັກງານສົ່ງເສີມການຄ້າໃນຕ່າງປະເທດ ທີ່ນະຄອນຫຼວງວຽງຈັນ ໄດ້ຈັດກິດຈະກຳສົ່ງເສີມພາບລັກສິນຄ້າອາຫານທະເລໄທ ປອດໄພຈາກການປົນເປື້ອນໂຄວິດ-19 (Thai Seafood Festival) ລະຫວ່າງວັນທີ 20-22 ສິງຫາ 2021 ຢູ່ຕະຫຼາດບຶງທາດຫຼວງ, ນະຄອນຫຼວງວຽງຈັນ ໂດຍທ່ານ ກະວິນ ວິລິຍາພານິດ ຜູ້ອຳນວຍການສົ່ງເສີ່ມການຄ້າຕ່າງປະເທດ ປະຈຳນະຄອນຫຼວງວຽງຈັນ ເປີດເຜີຍເຖິງຜົນການຈັດງານໃນຄັ້ງນີ້ ມີຍອດຊື້-ຂາຍ ພາຍໃນງານສູງກວ່າ 160.000.000 ກີບໂດຍການຈັດກິດຈະກຳນີ້ ເປັນການຈັດກິດຈະກຳເພື່ອໃຫ້ສອດຄອງກັບນະໂຍບາຍຂອງ ທ່ານ ຈຸລິນ ລັກສະນະວິສິດ ຮອງນາຍຍົກລັດຖະມົນຕີ ແລະ ລັດຖະມົນຕີວ່າການກະຊວງພານິດ ທີ່ຕ້ອງການສົ່ງເສີ່ມໃຫ້ເກີດຄວາມຮ່ວມມືລະຫວ່າງສອງປະເທດ ໃນດ້ານຄວາມປອດໄພຂອງການບໍລິໂພກອາຫານທະເລ ແລະ ປະຊາຊຳພັນພາບລັກອາຫານທະເລໄທ, ປອດໄພຈາກໂຄວິດ 19 ໃຫ້ຜູ້ບໍລິໂພກຮັບຮູ້ໂດຍມາດຕະການ ແລະ ມາດຕະຖານຂອງການນຳເຂົ້າ ແລະ ສົ່ງອອກອາຫານທະເລ ພາຍໃຕ້ແຄມເປນThailand Delivers with Safety.
ໂດຍພາຍໃນງານ ມີຜູ້ນຳເຂົ້າອາຫານທະເລໄທ, ຈຳນວນ 15 ຮ້ານ, 23 ລັອກ ແບ່ງເປັນ ຜູ້ຈຳໜ່າຍອາຫານທະເລສົດ, ທັງຂາຍສົ່ງ ແລະ ຂາຍຍ່ອຍ, ຈຳນວນ 11 ຮ້ານ, ເປັນຮ້ານອາຫານທີ່ຈຳໜ່າຍອາຫານທະເລນຳເຂົ້າຈາກປະເທດໄທ, ຈຳນວນ 5 ຮ້ານ ໂດຍກຸ່ມສິນຄ້າຫຼັກ ທີ່ຜູ້ບໍລິໂພກໃຫ້ຄວາມສົນໃຈຫຼາຍທີ່ສຸດໄດ້ແກ່: ອາຫານທະເລແບບສົດ, ຮອງລົງມາໄດ້ແກ່ອາຫານທະເລປຸງແຕ່ງ ໂດຍ ທ່ານ ກະວິນ ກ່າວໃນຕອນທ້າຍງານວ່າ “ກິດຈະກໍານີ້ໄດ້ຮັບຄວາມສົນໃຈຈາກຜູ້ບໍລິໂພກຄົນລາວຫຼາຍ ເນື່ອງຈາກບໍລິໂພກຄົນລາວຍັງມີຄວາມຕ້ອງການບໍລິໂພກອາຫານທະເລໄທ ແລະ ຍັງມີຄວາມເຊື່ອໝັ້ນໃນຄວາມ ສົດ ສະອາດ ປອດໄພ ທີ່ນຳເຂົ້າຢ່າງຕໍ່ເນື່ອງ ນອກຈາກນີ້ໂຄງການອາຫານທະເລປອດໄພຈາກການປົນເປື້ອນ ໂຄວິດ-19 ຍັງໄດ້ຮັບການສະໜັບສະໜູນ ແລະ ໄດ້ຮັບຄວາມຮ່ວມມືເປັນຢ່າງດີ ກັບໜ່ວຍງານຕ່າງໆໃນສປປ ລາວ ທັງພາກລັດ ແລະ ເອກະຊົນ ໂດຍຄາດວ່າ ສິນຄ້າອາຫານທະເລໃນສປປ. ລາວ ຈະມີແນວໂນ້ມທີ່ເຕີບໂຕຢ່າງຕໍ່ເນື່ອງ”
ທັງນີ້ ສະຖິຕິການຄ້າປີ 2019 – 2020 ປະເທດໄທສົ່ງອອກອາຫານທະເລ (ສົດ ແລະ ແຊແຂງ) ມາຍັງ ສປປ. ລາວ ໄດ້ແກ່ ປາສົດແຊ່ເຢັນ ແຊ່ແຂງ/ ສັດນ້ຳຈຳພວກ ຄັຣສຕາເຊຍ ແລະ ໂມລລຸສໆ ພາຍຫຼັງຍົກເລີກມາດຕະການ ສຄຕ. ວຽງຈັນ ໄດ້ສຳຫຼວດຕະຫຼາດ ມີຮ້ານຈຳໜ່າຍອາຫານທະເລທັງອອນລາຍ ແລະ ອ໋ອບລາຍ ມີການກັບມາເປີດຮ້ານເປັນຈຳນວນຫຼາຍ ລວມເຖີງຮ້ານອາຫານກັບມາຈຳໜ່າຍອາຫານທະເລເປັນປົກກະຕິແລ້ວ.
ສອບຖາມຂໍ້ມູນເພີ່ມຕື່ມໄດ້ທີ່ ສຳນັກງານສົ່ງເສີ່ມການຄ້າໃນຕ່າງປະເທດ ນະຄອນຫຼວງວຽງຈັນ, ກົມສົ່ງເສີ່ມການຄ້າລະຫວ່າງປະເທດ ກະຊວງພານິດ.
