8 ວິທີເຮັດວຽກໃຫ້ເປັນທີ່ຮັກຂອງຫົວໜ້າ ແລະ ເພື່ອນຮ່ວມງານ
August 23, 2021 - 10:23 AM
- ຮັກສາຄວາມເປັນທີມເອົາໄວ້ : ເພາະຮູບແບບຊີວິດການເຮັດວຽກຂອງແຕ່ລະຄົນບໍ່ຄືກັນຢູ່ແລ້ວ, ແຕ່ວ່າການເຮັດວຽກ ໃນຫລາຍໆບ່ອນນັ້ນ ການເຮັດວຽກເປັນທີມແມ່ນສິ່ງທີ່ສຳຄັນ ແລະ ຈຳເປັນຫລາຍ ເພາະເຖິງວ່າທ່ານຈະຍິນດີ ຫລື ຮັກ ການຢູ່ຄົນດຽວກໍຕາມ, ແຕ່ແນວໃດກໍຄວນຈະມີໄລຍະເວລາໃຫ້ກັບການເຮັດວຽກເປັນທີມນຳ ເພາະທ່ານຈະຍຶດຖືແຕ່ ການເຮັດວຽກຂອງຕົນເອງຕາມລຳພັງຢ່າງດຽວບໍ່ໄດ້ ຖ້າມີຫຍັງທີ່ຊ່ວຍໄດ້ ກໍສະເໜີຂໍໄປຊ່ວຍ ແບບນີ້ຮັບຮອງວ່າຖືກ ໃຈທັງຫົວໜ້າ ແລະ ເພື່ອນຮ່ວມງານ.
- ເອົາໃຈໃສ່ເລື່ອງເລັກໆນ້ອຍໆນຳ : ສັງເກດຂໍ້ດີ – ຂໍ້ດ້ອຍໃນແຕ່ລະຢ່າງເອົາໄວ້ ບໍ່ວ່າຈະເປັນໃນຂັ້ນຕອນໃດຂອງການ ເຮັດວຽກ ເພື່ອທີ່ເວລາປະຊຸມຈະໄດ້ສະເໜີເລື່ອງລາວເຫລົ່ານີ້ໄປໃຫ້ຫົວໜ້າພິຈາລະນາ ແລະ ລະວັງບໍ່ໃຫ້ມັນເກີດຂຶ້ນໄດ້ ອີກ ເຊັ່ນ : ການເຮັດວຽກ ຫລຸດວຽກທີ່ມີຄວາມຊັບຊ້ອນ ຫລື ເຮັດໃຫ້ເສຍເວລາຫລາຍ, ສະເໜີຫລຸດທຶນບາງພາກສ່ວນ ທີ່ໃຊ້ຫລາຍຈົນເກີນງົບ, ສ່ວນຂາດທຶນທີ່ຍັງພໍສາມາດແກ້ໄຂໄດ້ ເຊິ່ງຂໍ້ມູນເຫລົ່ານີ້ລ້ວນແຕ່ມີປະໂຫຍດໃນການປັບປຸງ ປ່ຽນແປງທັງໝົດ ເພື່ອໃຫ້ບໍລິສັດກ້າວໄປໃນທິດທາງທີ່ດີກ່ວາເກົ່າ.
- ຕັ້ງໃຈເຮັດວຽກໃນແບບທີ່ລູກນ້ອງຄວນເຮັດ : ເຮັດວຽກທີ່ໄດ້ຮັບມອບໝາຍໃຫ້ເຕັມທີ່, ມີຄວາມຮັບຜິດຊອບຕໍ່ວຽກທີ່ ເຮັດສະເໝີ, ແກ້ໄຂບັນຫາຕ່າງໆດ້ວຍຕົນເອງຢ່າງສຸດຄວາມສາມາດເທົ່າທີ່ຈະເຮັດໄດ້ ຈຶ່ງຂໍຄວາມຊ່ວຍເຫລືອຈາກ ຫົວໜ້າ ໃຫ້ເຂົາໄດ້ເຫັນຄວາມຕັ້ງໃຈຂອງເຮົາກ່ອນທ ແລະ ລວມເຖິງຄວາມດຸໝັ່ນທຸ້ມເທໃຫ້ກັບວຽກນຳ. ລອງເບິ່ງ ຍ້ອນມາເຖິງຕົນເອງ ຫາກເຮົາໄດ້ເປັນເຈົ້າຂອງບໍລິສັດ ເຮົາຢາກຈະໄດ້ຄົນແບບໃດມາເຮັດວຽກໃຫ້ເຮົາ ກໍຈົ່ງພະຍາ ຍາມເປັນຄົນແບບນັ້ນເຂົ້າໄວ້.
- ເຂົາລົບໃນຕຳແໜ່ງຂອງທຸກຄົນ : ບໍ່ວ່າສະຖານະພາບແທ້ໆຂອງຫົວໜ້າຈະເປັນແນວໃດ, ແຕ່ໃນເວລາວຽກ ເຂົາກໍຍັງ ແມ່ນຫົວໜ້າສະເໝີ ຈົ່ງໃຫ້ກຽດເຂົາ ບໍ່ວ່າເຂົາຈະອາຍຸນ້ອຍກ່ວາ ຫລື ເປັນເພື່ອນສະໜິດ ຫລື ເປັນຍາດຕິພີ່ນ້ອງຂອງ ເຮົາກໍຕາມ ໃນເວລາວຽກ ເຮົາຈະເຄົາລົບໃນຖານະຫົວໜ້າໂດຍທາງຄຳເວົ້າ ແລະ ການກະທຳແບບທີ່ລູກນ້ອງຈະເຮັດ ກັບຫົວໜ້າ ເທົ່ານີ້ກໍພຽງພໍແລ້ວ ບໍ່ຈຳເປັນຕ້ອງຍ້ອງຍໍປະຈົບປະແຈງຈົນເບິ່ງຄືທຳທ່າເກີນໄປ.
- ການສະແດງຄວາມຄິດຄວາມເຫັນໃຫ້ເປັນ : ເມື່ອຫົວໜ້າທ່ານເປັນຄົນທີ່ມີວິໄສທັດກ້າວໄກ ເຂົາຈະຖືກໃຈໃນຂໍ້ນີ້ຂອງ ທ່ານ ນັ້ນຍ້ອນວ່າທຸກຄວາມຄິດເຫັນ ບໍ່ວ່າຈະເປັນໃນດ້ານຂໍ້ດີ ຫລື ຂໍ້ດ້ອຍຕ່າງໆ ເຮົາກໍຄວນບອກໃນຂອບເຂດຂອງ ວຽກວ່າ ມີຫົນທາງໃດທີ່ໜ້າຈະເຮັດໄດ້ດີກ່ວາຕອນນີ້ ຫລື ເຮັດແບບໃດໜ້າຈະດີກ່ວາເກົ່າ ຍິ່ງເຮັດໄດ້ເລື້ອຍໆ ອະນາ ຄົດ ແລະ ໂອກາດດີໆທີ່ທ່ານຈະໄດ້ອາດຢູ່ບໍ່ໄກເກີນຍື້ເຖິງ.
- ໃຊ້ພາສາຈິງຈັງສຳລັບການເຮັດວຽກ : ເຖິງວ່າທ່ານອາດຈະສະໜິດກັບຫົວໜ້າກໍແມ່ນ, ແຕ່ໃນເວລາວຽກນັ້ນ ໂດຍສະ ເພາະໃນຫ້ອງປະຊຸມ ຫລື ແມ່ນແຕ່ໃນອີເມລສ່ວນໂຕ ຄວນໃຊ້ພາສາທີ່ເປັນທາງການ ແລະ ໃຊ້ຄຳອະທິບາຍທີ່ກະທັດຮັດ ໃຫ້ເຂົ້າໃຈງ່າຍ, ໄຈ້ແຍກລາຍລະອຽດເປັນຂໍ້ໆໃຫ້ຈະແຈ້ງ ແບບວ່າໃຫ້ອ່ານແລ້ວເຂົ້າໃຈໄດ້ທັນທີ ເທົ່ານີ້ກໍຖືວ່າປະສົບ ຄວາມສຳເລັດຫລາຍແລ້ວ.
- ບໍ່ຮູ້, ບໍ່ແນ່ໃຈ ໃຫ້ຖາມເອົາໄວ້ກ່ອນເລີຍ : ໃນສິ່ງໃດທີ່ທ່ານບໍ່ຮູ້ກໍຈົ່ງຖາມຫົວໜ້າ ໃຫ້ແນ່ນອນວ່າເພິ່ນຢາກໄດ້ຫຍັງ, ຢາກໃຫ້ເຮັດແບບໃດ ເພື່ອທີ່ທ່ານຈະໄດ້ບໍ່ເລີ່ມເຮັດວຽກໄປແບບຜິດໆໄປຈົນແລ້ວ ໂດຍອາໄສຄວາມເຂົ້າໃຈຂອງຝ່າຍ ດຽວເທົ່ານັ້ນ ລວມເຖິງອາດຈະບໍ່ຕ້ອງລໍຖ້າໃຫ້ເກີດຄວາມຜິດພາດ. ສະນັ້ນ ໃຫ້ຖາມໂດຍທີ່ບໍ່ຕ້ອງຮູ້ສຶກຢ້ານ ຫລື ວ່າ ເກງໃຈໄດ້ເລີຍ ບໍ່ແນ່ວ່າຫົວໜ້າອາດຈະປະທັບໃຈໃນຄວາມຫ້າວຫັນຂອງທ່ານກໍເປັນໄດ້.
- ມີຄວາມຄາດຫວັງກັບຄວາມກ້າວໜ້າ : ເພາະຫາກບໍ່ແມ່ນຫົວໜ້າທີ່ໃຈແຄບ ເພິ່ນມັກຈະຍ້ອງຍໍຊົມເຊີຍ, ຍິນດີທີ່ລູກ ນ້ອງຂອງເພິ່ນຈະໄດ້ກ້າວໜ້າໃນອາຊີບທີ່ເຮັດຢູ່ ເພາະວ່າຄວາມສຳເລັດຂອງທ່ານມັນກໍມີເພິ່ນນັ້ນລະທີ່ໃຫ້ການສະໜັບ ສະໜູນຢູ່ທາງຫລັງ ຫາກທ່ານເຕີບໃຫຍ່ ໂອກາດທີ່ເພິ່ນຈະເຕີບໃຫຍ່ໄປນຳກໍຍິ່ງມີຫລາຍຂຶ້ນ, ເພິ່ນກໍຈະໄດ້ພູມໃຈທີ່ໄດ້ ເຫັນລູກນ້ອງໄດ້ດິບໄດ້ດີ ເຕີບໃຫຍ່ໃນໜ້າທີ່ວຽກງານ ຍ້ອນມີເພິ່ນເປັນຫົວໜ້າ.
