ລາວ-ໄທ #ຮ່ວມສົ່ງເສີມໂຄງການອາຫານທະເລ ສະອາດ, ສົດ, ປອດໄພ ສ້າງຄວາມໝັ້ນໃຈໃຫ້ແກ່ຜູ້ບໍລິໂພກ ໂດຍບໍ່ມີການປົນເປື້ອນ Covid-19

August 20, 2021 - 9:58 AM

ລາວ-ໄທ #ຮ່ວມສົ່ງເສີມໂຄງການອາຫານທະເລ ສະອາດ, ສົດ, ປອດໄພ ສ້າງຄວາມໝັ້ນໃຈໃຫ້ແກ່ຜູ້ບໍລິໂພກ ໂດຍບໍ່ມີການປົນເປື້ອນ Covid-19 - kitchen vibe - ລາວ-ໄທ #ຮ່ວມສົ່ງເສີມໂຄງການອາຫານທະເລ ສະອາດ, ສົດ, ປອດໄພ ສ້າງຄວາມໝັ້ນໃຈໃຫ້ແກ່ຜູ້ບໍລິໂພກ ໂດຍບໍ່ມີການປົນເປື້ອນ Covid-19

ສຳນັກງານສົ່ງເສີມການຄ້າໃນຕ່າງປະເທດ ທີ່ນະຄອນຫຼວງວຽງຈັນ, ຮ່ວມກັບຕະຫຼາດບຶງທາດຫຼວງ ໄດ້ຈັດກິດຈະກຳປະຊາສຳພັນ ຄວາມປອດໄພຂອງການບໍລິໂພກອາຫານທະເລ ບໍ່ມີການປົນເປື້ອນ Covid-19, ລະຫວ່າງວັນທີ 20-22 ສິງຫາ 2021, ທີ່ຕະຫຼາດບຶງທາດຫຼວງ, ເມືອງໄຊເສດຖາ, ນະຄອນຫຼວງວຽງຈັນ ເພື່ອສົ່ງເສີມການບໍລິໂພກ ແລະ ອາຫານທະເລ ຢ່າງປອດໄພ, ສະອາດ, ສົດ ແລະ ສ້າງຄວາມໝັ້ນໃຈໃຫ້ແກ່ຜູ້ບໍລິໂພກ ເຖິງຄວາມປອດໄພຂອງອາຫານທະເລ ຕັ້ງແຕ່ແຫຼ່ງທີ່ມາຈົນເຖິງຂະບວນການເກັບຮັກສາ ແລະ ຂົນສົ່ງ

ໂດຍການຈັດກິດຈະກຳຄັ້ງນີ້ ເປັນການຈັດກິດຈະກຳເພື່ອໃຫ້ສອດຄ່ອງກັບນະໂຍບາຍຂອງ ທ່ານ ຈຸຣິນ ລັກສະນະວິສິດ ຮອງນາຍົກລັດຖະມົນຕີ ແລະ ລັດຖະມົນຕີກະຊວງພານິດ ທີ່ຕ້ອງການສົ່ງເສີມໃຫ້ເກີດການຮ່ວມມື້ລະຫວ່າງ 2 ປະເທດໃນດ້ານຄວາມປອດໄພຂອງຜູ້ບໍລິໂພກ ອາຫານທະເລ ແລະ ປະຊາສຳພັນພາບລັກອາຫານທະເລໄທ ປອດໄພຈາກ Covid-19 ໃຫ້ຜູ້ບໍລິໂພກຮັບຮູ້ເຖິງມາດຕະການ ແລະ ມາດຕະຖານຂອງການນຳເຂົ້າ ແລະ ສົ່ງອອກອາຫານທະເລ ພາຍໃຕ້ແຄມເປນ Thailand Delivers with Safety
ນອກຈາກນີ້ຍັງມີການເຜີຍແຜ່ມາດຕະການຕ່າງໆ ທີ່ສຳຄັນຂອງການນຳເຂົ້າ ແລະ ສົ່ງອອກອາຫານທະເລ, ໂດຍງານດັ່ງກ່າວຍັງເປັນການສົ່ງເສີມໃຫ້ເກີດຄວາມຮ່ວມມືລະຫວ່າງສອງປະເທດຢ່າງເປັນຮູບປະທຳອີກດ້ວຍ.
ໂດຍພາຍໃນງານຈະມີການເປີດຮ້ານຈຳໜ່າຍອາຫານທະເລສົດ ແຊ່ເຢັນ ແຊ່ເເຂງຈາກປະເທດໄທ ແລະ ຮ້ານປຸງແຕ່ງອາຫານທະເລ ແລະ ຮ້ານທີ່ໄດ້ຮັບມາດຕະຖານ Thai Select ຫຼາຍກວ່າ 16 ຮ້ານຄ້າ ລວມ 25 ຄູຫາ ແລະ ກິດຈະກຳທັງ 3 ມື້ຈະພົບກັບການແຂ່ງຂັນຄື:
– ການປຸງແຕ່ງອາຫານທະເລສົດໃນຮູບແບບທ້ອງຖິ່ນ ສປປ ລາວ
– ການແຂ່ງຂັນກິນອາຫານທະເລ
– ການແຂ່ງຂັນປະຍຸກປຸງແຕ່ງອາຫານທະເລແບບ ປະສົມປະສານ ( ຟິວຊັ່ນ ) ເປັນຕົ້ນ.
ກິດຈະກຳນີ້ ຖືໄດ້ວ່າເປັນການຈັດງານລວມອາຫານທະເລ, ຈາກປະເທດໄທຄັ້ງທຳອິດໃນ ສປປ ລາວ.
ສະຖິຕິການຄ້າປີ 2019 – 2020 ປະເທດໄທສົ່ງອອກອາຫານທະເລ ( ສົດ ແລະ ແຂງ ) ມາທີ່ ສປປ ລາວ ໄດ້ແກ່:
1. ປາສົດແຊ່ເຢັນ ແຊ່ແຂງ
2. ກຸ້ງສົດແຊ່ເຢັນ ແຊ່ແຂງ
3. ປາມຶກສົດແຊ່ເຢັນ ແຊ່ແຂງ
4. ສັດນໍ້າຈຳພວກຄຣັສຕາເຊຍ
5. ໂມລລຸສ
ພາຍຫຼັງຍົກເລີກມາດຕະການ ( ສຄຕ ), ທີ່ນະຄອນຫຼວງວຽງຈັນ ໄດ້ລົງສຳຫຼວດຕະຫຼາດ ມີຮ້ານຈຳໜ່າຍອາຫານທະເລທັງອອນລາຍ ແລະ ອ໊ອບລາຍ ມີການກັບມາເປີດຮ້ານເປັນຈຳນວນຫຼາຍ ລວມເຖິງຮ້ານອາຫານກັບມາຈຳໜ່າຍອາຫານທະເລເປັນປົກກະຕິແລ້ວ.