ຫວຽດນາມປະກອບລົດສັກວັກຊີນເຄື່ອນທີ່ ໃຫ້ແຕ່ລະແຂວງ ແລະ ນະຄອນ 1 ຄັນ

ກະຊວງສາທາລະນະສຸກຫວຽດນາມໄດ້ຕັດສິນໃຈແບ່ງປັນລົດສັກວັກຊີນຕ້ານໂຄວິດ-19 ເຄື່ອນທີ່ໃຫ້ກັບ 63 ແຂວງ-ນະຄອນໃນທົ່ວປະເທດ, ໂດຍການສະໜັບສະໜູນຂອງບໍລິສັດຫຸ້ນສ່ວນລົດໂອໂຕ ເຈື່ອງຮາຍ ເພື່ອຕ້ານ ແລະ ສະກັດກັ້ນການລະບາດຂອງພະຍາດໂຄວິດ-19.

ໂດຍບໍລິສັດ ເຈື່ອງຮາຍ ຈະມອບໃຫ້ບັນດາຫົວໜ່ວຍລົດໂອໂຕຂອງບໍລິສັດ ເປັນຜູ້ສົ່ງມອບຈຳນວນລົດດັ່ງກ່າວໃຫ້ແຕ່ລະແຂວງ-ນະຄອນ ພ້ອມທັງແຈ້ງລາຄາລົດໃຫ້ແຕ່ລະແຂວງຮັບຊາບ ເພື່ອເປັນບ່ອນອີງໃນການຊຳລະສະສາງຕາມກຳນົດເວລາ ແລະ ເອກະສານອື່ນໆ ທີ່ກ່ຽວຂ້ອງ.

ໃຫ້ພະແນກສາທາລະນະສູກແຕ່ລະແຂວງຮີບຮ້ອນຮັບເອົາລົດ ແລ້ວແຈກຢາຍໃຫ້ແຕ່ລະຫົວໜ່ວຍພື້ນຖານສາທາລະນະສຸກ ນຳໃຊ້ເຂົ້າໃນການເຄື່ອນໄຫວສັກວັກຊີນຕ້ານໂຄວິດ-19 ໂດຍໄວ, ພ້ອມທັງແນະນຳໃຫ້ແຕ່ລະຫົວໜ່ວຍສາທາລະນະສຸກຈົ່ງປົກປັກຮັກສາ ແລະ ນ້ຳໃຊ້ໃຫ້ໄດ້ຮັບຜົນສູງສຸດ.

ຊຶ່ງກ່ອນໜ້ານີ້, ທາງບໍລິສັດ ຕາໂກ ກໍໄດ້ສະໜັບສະໜູນລົດ ສັກວັກຊີນເຄື່ອນທີ່ຕ້ານໂຄວິດ-19 ເນື່ອງໃນໂອກາດເປີດສາກສັກວັກຊີນທົ່ວປະເທດ ໃນວັນທີ 10 ກໍລະກົດຜ່ານມາ ກ່ອນແລ້ວ 63 ຄັນ.

ແຫຼ່ງຂ່າວ: DONGNAICDC.VN