ຜົນການວິໄຈຊີ້ວ່າ ວັກຊີນ ໂມເດິນນາ ອາດເໜືອກວ່າ ໄຟເຊີ ໃນການປ້ອງກັນຕິດເຊື້ອໂຄວິດ ເດລຕາ

ຜົນການສຶກສາວິໄຈໃນສະຫະລັດພົບວ່າ ວັກຊີນຕ້ານໂຄວິດ-19 ຂອງໂມເດິນນາ ເໜືອກວ່າໄຟເຊີ ອາດເປັນວັກຊີນທີ່ດີທີ່ສຸດໃນການປ້ອງກັນການຕິດເຊື້ອໂຄວິດ-19 ສາຍພັນ ເດລຕາ ທີ່ກາຍເປັນສາຍພັນຫຼັກໃນການແພ່ລະບາດທົ່ວໂລກໃນຂະນະນີ້.

ເມື່ອວັນທີ 11 ສິງຫານີ້ ສຳນັກຂ່າວ ຣອຍເຕີ ລາຍງານຈາກລາຍງານການວິໄຈທີ່ນຳມາລົງໃນ medRXIV ກ່ອນຕີພິມ ໂດຍໄດ້ທຳການສຶກສາວິໄຈກັບຄົນເຈັບກວ່າ 50,000 ຄົນໃນລະບົບສາທາລະນະສຸດຂອງສະຖາບັນ ເມໂຢ ຄລີນິກ ໃນສະຫະລັດອາເມລິກາພົບວ່າ ວັກຊີນຕ້ານໂຄວິດ-19 ຂອງບໍລິສັດໂມເດິນນາ ຊຶ່ງເປັນວັກຊີນໃຊ້ເທັກໂນໂລຊີ mRNA ມີປະສິດທິພາບໃນການປ້ອງກັນການຕິດເຊື້ອໂຄວິດ-19 ຫຼຸດລົງມາຢູ່ທີ່ 76% ໃນເດືອນ ມັງກອນທີ່ຜ່ານມາ ຊຶ່ງເປັນຊ່ວງເຊື້ອໂຄວິດ-19 ສາຍພັນ ເດລຕາ ແພ່ລະບາດໄປທົ່ວໂລກ ຈາກເດີມທີ່ວັກຊີນໂມເດິນນາເຄີຍມີປະສິດທິພາບປ້ອງກັນການຕິດເຊື້ອໂຄວິດ-19 86% ເມື່ອຕົ້ນແຝປີນີ້

ສ່ວນວັກຊີນຂອງໄຟເຊີ/ໄບເອນເທັກ ທີ່ໃຊ້ເທັກໂນໂລຊີ mRNA ເຊັ່ນດຽວກັນກັບ ໂມເດິນນາ ພົບວ່າມີປະສິດທິຜົນໃນການປ້ອງກັນການຕິດເຊື້ອຫຼຸດຈາກ 76% ລົງມາຢູ່ທີ່ 42% ເມື່ອພົບກັບສາຍພັນ ເດລຕາ ລະບາດ.

ແຫຼ່ງຂ່າວ : Reuters