ຜູ້ວ່ານະຄອນນິວຢອກ ປະກາດລາອອກ ຫຼັງມີຂ່າວລ່ວງລະເມີດທາງເພດ

ແອນດູ ຄູໂອໂມ ຜູ້ວ່າການນະຄອນນິວຢອກ ປະກາດລາອອກຈາກຕຳແໜ່ງແລ້ວ ພາຍຫຼັງມີການສືບສວນພົບວ່າເຂົາລ່ວງລະເມີດທາງເພດຜູ້ຍິງຫຼາຍຄົນ ແລະ ກຳລັງຖືກຟ້ອງຮ້ອງ ຖອດຖອນອອກຈາກຕຳແໜ່ງ.

ສຳນັກຂ່າວ ບີບີຊີ ລາຍງານວ່າ: ແອນດູ ຄູໂອໂມ ຜູ້ວ່າການນະຄອນນິວຢອກໄວ 63 ປີ ປະກາດອອກຈາກຕຳແໜ່ງແລ້ວໃນວັນທີ 10 ສິງຫານີ້ ຫຼັງຈາກສຳນັກງານໄອຍະການ ນິວຢອກເປີດເຜີຍຜົນການສືບສວນ ຊຶ່ງເລີ່ມຂຶ້ນຕັ້ງແຕ່ປີກາຍ ພົບວ່າເຂົາລ່ວງລະເມີດທາງເພດຜູ້ຍິງຢ່າງໜ້ອຍ 11 ຄົນ ລວມທັງເຈົ້າໜ້າທີ່ລັດ ໃນຮູບແບບຂອງການໃຊ້ຖ້ອຍຄໍາແຫຼມທາງເພດ ສຳຜັດຢ່າງບໍ່ເໝາະສົມ ຫຼື ລ່ວງເກີນ ແລະ ຈູບ ໂດຍບໍ່ໄດ້ຮັບຄວາມຍິນຍອມ.

ທ່ານ ແອນດູ ຄູໂອໂມ ກ່າວວ່າ: “ທາງທີ່ດີທີ່ສຸດທີ່ຂ້ອຍສາມາດຊ່ວຍໄດ້ໃນຕອນຕີ້ຄືຫຼົບໜີໃຫ້ພົ້ນ”, ທ່ານກ່າວເພີ່ມເຕີມວ່າ ການລາອອກຂອງເຂົາຈະມີຜົນບັງຄັບໃຊ້ພາຍໃນ 14 ວັນ ໂດຍທີ່ນາງ ເຄທີ ໂຮຊຸນ ຮອງຜູ້ວ່າການລັດ ຈະໄດ້ເປັນຜູ້ຍິງຄົນທຳອິດທີ່ເປັນຜູ້ນຳລັດນິວຢອກ.