ກິນໝາກກ້ວຍຊ່ວຍຫລຸດອາການຍື່ງທ້ອງໄດ້
ໃນປັດຈຸບັນນີ້ ໂລກໄພໄຂ້ເຈັບກາຍເປັນສິ່ງໃກ້ໂຕທີ່ ຈອບຖາມຫາເຮົາຢູ່ສະເໝີ ເຮົາຈຶ່ງຕ້ອງເບິ່ງແຍງດູແລສຸຂະພາບກັນໃຫ້ດີ ເປັນພິເສດ, ບາງຄົນອາດຈະສັນຫາອາຫານເສີມ ຫລື ອາຫານບຳລຸງຕ່າງໆເພື່ອບຳລຸງໃຫ້ມີສຸຂະພາບທີ່ດີ ໂດຍທີ່ຄວາມຈິງແລ້ວ ການມີສຸຂະພາບດີອາດເປັນເລື່ອງໃກ້ໂຕກ່ວາທີ່ທ່ານຄິດ ແລະ ມື້ນີ້ພວກເຮົາກໍມີເລື່ອງໜ້າຮູ້ກ່ຽວກັບສຸຂະພາບທີ່ດີຈາກການກິນ ໝາກກ້ວຍມາແນະນຳບັນດາທ່ານ ດັ່ງນີ້ :
ກິນໝາກກ້ວຍຊ່ວຍຫລຸດອາການຍື່ງທ້ອງໄດ້ : ກ່ອນທີ່ຈະໄປເບິ່ງວ່າໝາກກ້ວຍຊ່ວຍຫລຸດອາການຍື່ງທ້ອງໄດ້ແນວໃດ ເຮົາ ມາຮູ້ຈັກກັບອາການຍື່ງທ້ອງກັນກ່ອນ ເຊິ່ງອາການຍື່ງທ້ອງ ຫລື ທ້ອງອືດ ເປັນອາການທີ່ເກີດແກ໊ສໃນຈຳນວນຫລາຍໃນກະ ເພາະອາຫານ ບາງເທື່ອກໍເກີດຈາກການກິນໂຊດຽມ ຫລື ກິນເຄັມຫລາຍເກີນໄປ ແລະ ໝາກກ້ວຍກໍແມ່ນໂຕຊ່ວຍທີ່ຈະເຮັດໃຫ້ ອາການຍື່ງທ້ອງ – ແໜ້ນທ້ອງ ຫລຸດຜ່ອນຄວາມຮຸນແຮງຂອງອາການລົງໄດ້ ເພາະໝາກກ້ວຍມີປະລິມານໂປຕັສຊຽມຫລາຍ ເຊິ່ງຈະໄປຈັດການກັບຜົນກະທົບທີ່ເກີດຈາກໂຊດຽມສ່ວນເກີນ ເຮັດໃຫ້ອາການຍື່ງທ້ອງເບົາບາງລົງ, ແຕ່ຖ້າທ່ານບໍ່ຢາກຍື່ງທ້ອງ ກໍໃຫ້ຫລີກເວັ້ນອາຫານທີ່ມີເກືອ ຫລື ໂຊດຽມຫລາຍເກີນໄປຕັ້ງແຕ່ທຳອິດຈະດີກ່ວາ ຈະໄດ້ບໍ່ຕ້ອງມານັ່ງທໍລະມານກັບອາການ ຍື່ງທ້ອງ.
