ຢ່າຟ້າວຖິ້ມແກ່ນໝາກຫຸ່ງ ເພາະມັນດີກ່ວາທີ່ຄິດ

ເວລາທີ່ຫລາຍຄົນຈະກິນໝາກຫຸ່ງ ຄົງບໍ່ມີໃຜທີ່ຢາກຈະກິນເມັດ ຫລື ແກ່ນໝາກຫຸ່ງແນ່ນອນ, ແຕ່ຮູ້ຫລືບໍ່ວ່າ ເມັດໝາກຫຸ່ງ ສາມາດກິນໄດ້! ໂດຍວິທີການກິນແມ່ນດັ່ງນີ້ :

1. ກິນແບບສົດ (ມັນມີລົດຊາດຂົມຄ້າຍຄືເມັດພິກໄທ).
2. ບົດ ຫລື ປັ່ນປະສົມກັບນ້ຳສະຫລັດ ຫລື ນ້ຳຍຳ, ນ້ຳເຜິ້ງ ຫລື ນົມ (ໂດຍແມ່ຍິງຖືພາ ຫລື ແມ່ລູກອ່ອນທີ່ກຳລັງລ້ຽງລູກ ດ້ວຍນົມຕົນເອງຄວນຫລີກເວັ້ນ).

• ປະໂຫຍດຂອງເມັດໝາກຫຸ່ງມີຄື :

1. ຊ່ວຍເຮັດໃຫ້ສຸຂະພາບຂອງໝາກໄຂ່ຫລັງເຮັດວຽກດີຂຶ້ນ.
2. ຊ່ວຍບຳລຸງສຸຂະພາບຕັບຂອງທ່ານ ພຽງແຕ່ເອົາເມັດໝາກຫຸ່ງ 5 – 6 ເມັດ ໄປບົດ ຫລື ປັ່ນປະສົມກັບ ນ້ຳໝາກໄມ້ ຫລື ອາຫານ.
3. ເມັດໝາກຫຸ່ງຊ່ວຍຂ້າມະເຮັງ ເນື່ອງຈາກອຸດົມໄປດ້ວຍສານ ໄອໂຊໄທໂອໄຊຍາເນດ (isothiocyanate) ເຊິ່ງມີປະສິດທິພາບໃນການຕໍ່ສູ້ອາການຕ່ອມລູກໝາກໃຫຍ່, ປອດ, ມະເຮັງເຕົ້ານົມ, ມະເຮັງລຳໄສ້ໃຫຍ່ ແລະ ມະເຮັງເມັດເລືອດຂາວ.
4. ຊ່ວຍຂ້າພະຍາດ ໂດຍເມັດໝາກຫຸ່ງອຸດົມໄປດ້ວຍສານ Carpaine ເຊິ່ງເປັນສານທີ່ມີປະສິດທິພາບໃນການ ກຳຈັດແມ່ພະຍາດ ຫລື ແມ່ທ້ອງໃນລຳໄສ້ ແລະ ຊ່ວຍເພີ່ມການເຜົາຜານໂປຣຕິນໃນຮ່າງກາຍ ເພື່ອຍ່ອຍ ອາຫານໃນບໍລິເວນທີ່ແມ່ພະຍາດ ຫລື ແມ່ທ້ອງອາໄສຢູ່.
5. ເມັດໝາກຫຸ່ງເພີ່ມການຍ່ອຍອາຫານ ອຸດົມໄປດ້ວຍສານປາເປອິນ ເຊິ່ງເປັນເອັນໄຊທີ່ຊ່ວຍໃນການແປງ ສະພາບໂປຣຕິນ.