WHO ຊີ້ວ່າ ໂຄວິດ-19 ບະບາດໃນ 124 ປະເທດໃນທົ່ວໂລກແລ້ວ
ອົງການອະນາໄມໂລກຊີ້ວ່າ ເຊື້ອໂຄວິດ-19 ສາຍພັນເດລຕາ ແພ່ລະບາດໃນ 124 ປະເທດໃນທົ່ວໂລກແລ້ວ ມີຜູ້ຕິດເຊື້ອພຸ່ງສູງຂຶ້ນຢ່າງບໍ່ຢຸດຢັ້ງ. ຄາດວ່າຈະມີຜູ້ຕິດເຊື້ອທີ່ຈະໄດ້ຮັບການຢືນຢຫນເຖິງ 200 ລ້ານຄົນໃນບໍ່ອີກເທົ່າໃດອາທິດຂ້າງໜ້າ.
ເມື່ອວັນທີ 25 ກໍລະກົດ ທີ່ຜ່ານມາ ສຳນັກຂ່າວ ບີບີຊີ ລາຍງານວ່າ ອົງການອະນາໄມໂລກ ອອກຖະແຫຼງການດ້ວຍຄວາມກັງວົນເຖິງການແພ່ລະບາດຂອງເຊື້ອໂຄວິດ-19 ກາຍພັນເດລຕາໃນຂະນະນີ້ວ່າ ໄດ້ແພ່ລະບາດພົບການຕິດເຊື້ອໃນ 124 ປະເທດ ແລະ ເຂດແຄວ້ນໃນທົ່ວໂລກແລ້ວ ຊຶ່ງຄາດວ່າຈະກາຍເປັນສາຍພັນຫຼັກທີ່ລະບາດທົ່ວໂລກໃນອີກບໍ່ເທົ່າໃດເດືອນຂ້າງໜ້າ ອີກທັງອົງການອະນາໄມໂລກຍັງຄາດການວ່າຈະມີການຢືນຢັນຜູ້ຕິດເຊື້ອໂຄວິດ-19 ມີຈຳນວນຫຼາຍກວ່າ 200 ລ້ານຄົນໃນທົ່ວໂລກ.
ຂະນະນີ້ກຳລັງພົບປະຊາຊົນຕິດເຊື້ອໂຄວິດ-19 ສາຍພັນເດລຕາເພີ່ມສູງຂຶ້ນ ໂດຍສະເພາະແມ່ນໃນເອີຣົບ ແລະ ພາກພື້ນທາງຕາເວັນຕົກຂອງມະຫາສະໝຸດປາຊີຟິກ ໃນຂະນະທີ່ຕອນນີ້ມີບາງປະເທເໃນເອີຣົບຕາເວັນຕົກໄດ້ເລີ່ມຜ່ອນຄາຍມາດຕະການລ໊ອກດາວຄຸມການລະບາດຂອງເຊື້ອໂຄວິດ19 ໃນຂະນະຈຳນວນຜູ້ເສຍຊີວິດດ້ວຍໂຄວິດ-19 ຫຼຸດລົງ ແຕ່ວ່າ ຖ້າປະຊາຊໄນຍັງບໍ່ທັນໄດ້ຮັບການສັກວັກຊີນ ຫຼື ການກະຈາຍວັກຊີນສັກໃຫ້ປະຊາຊົນຫຼ້າຊ້າກໍຈະເຮັດໃຫ້ປະເຊີນກັບການເສຍຊີວິດຈາກສາຍພັນເດລຕາກໍນັບມື້ຈະເພີ່ມຂຶ້ນ.
