ທີມຊາດລາວ ເປັນທີມນຳຕາຕະລາງຄະແນນ ກຸ່ມ G ບານເຕະຊີງແຊ໊ມອາຊີ 2018 ອາຍຸບໍ່ເກີນ 23 ປີ ຮອບຄັດເລືອກ

ການແຂ່ງຂັນເຕະບານຊີງ ແຊ໊ມອາຊີ 2018 ປີ ຮອບຄັດ ເລືອກ ຫຼື AFC U-23 Championship QUALIERS ໂດຍ ແຂ່ງຂັນກັນທັງໝົດ 40 ທີມແບ່ງ ເປັນ 10 ກຸ່ມ. ກຸ່ມລະ 4 ທີມແຂ່ງ ຂັນຄັດເອົາ 16 ທີມ ເຂົ້າໄປແຂ່ງ ຂັນຮອບສຸດທ້າຍທີ່ ປະເທດ ສປ ຈີນ ໂດຍ 10 ທີມຈະໄດ້ຈາກອັນ ດັບທີ 1 ຂອງແຕ່ລະກຸ່ມ ແລະ ອີກ 6 ທີມຈາກອັນດັບ 2 ທີ່ດີທີ່ສຸດ ຂອງທັງໝົດ 10 ກຸ່ມ. ໃນນັ້ນ ທີມ ຊາດລາວ ຖືກຈັດຢູ່ໃນກຸ່ມ G ຮ່ວມກັບ ສ.ເກົາຫຼີ, ເຂດປົກຄອງ ພິເສດ ໄຕ້ຫວັນ ແລະ ເຂດປົກ ຄອງພິເສດຮົງກົງ. ເຊິ່ງແຂ່ງຂັນ ຢູ່ທີ່ ນະຄອນຫຼວງພຽງຢາງ ສ. ເກົາຫຼີ ລະຫວ່າງວັນທີ 19-23 /7/2017 ໂດຍແຂ່ງຂັນທີ່ສະ ໜາມກິລາ May Day Sta dium.
ໃນວັນທີ 19/7/2017 ຜ່ານມາ ເປັນການແຂ່ງຂັນມື້ທຳ ອິດຂອງ ກຸ່ມ G ໂດຍມີ 2 ຄູ່ ທີມ ຊາດລາວລົງສະໜາມເປັນຄູ່ທຳອິດ ພົບກັບ ເຂດປົກຄອງພິເສດ ໄຕ້ຫວັນ ເວລາ 15:00 ຜົນປາ ກົດວ່າ ທີມຊາດລາວ ສາມາດ ເອົາຊະນະ ເຂດປົກຄອງພິເສດ ໄຕ້ຫວັນ ໄປໄດ້ 3-1 ໂດຍ ເຂດພິ ເສດປົກຄອງ ໄຕ້ຫວັນ ໄດ້ປະຕູ ຂຶ້ນນຳຢ່າງໄວໃນໄລຍະຕົ້ນເກມ ນາທີ 3 ຈາກ FW JHOU CHENG, ຫຼັງຈາກນັ້ນ ທີມຊາດ ລາວ ມາຍິງໄດ້ 2 ປະຕູລວດ ໂດຍທີ່ໄດ້ 2 ປະຕູຈາກ ຄຳພັນ ສົນທະນາໄລ ໃນນາທີ 26 ແລະ 42 ແລະ ອີກ 1 ປະຕູໄດ້ຈາກ ພຸດ ທະໄຊ ໂຄຈະເລີນ ໃນນາທີ 49. ເຮັດໃຫ້ທີມຊາດລາວ ສາມາດ ເກັບ 3 ຄະແນນໃນນັດທຳອິດໄດ້ ສຳເລັດ.
ສ່ວນຄູ່ທີ 2 ລົງສະໜາມ ແຂ່ງຂັນເວລາ 18:00 ເປັນການ ພົບກັນລະຫວ່າງ ສ.ເກົາຫຼີ ພົບກັບ ເຂດປົກຄອງພິເສດ ຮົງກົງ ໂດຍ ທີ່ທັງ 2 ທີມກິນກັນບໍ່ລົງ ສະ ເໝີ ກັນໄປ 1-1 ແບ່ງກັນທີມລະ 1 ຄະແນນ.
+ ຕາຕະລາງຄະແນນ ກຸ່ມ G ຫຼັງຜ່ານການແຂ່ງຂັນມື້ທຳອິດ ມີດັງນີ້:
– ອັນດັບທີ 1 ທີມຊາດລາວ ມີ 3 ຄະແນນ.
– ອັນດັບທີ 2 ສ.ເກົາຫຼີ ມີ 1 ຄະແນນ.
– ອັນດັບ 3 ເຂດພິເສດ ປົກຄອງ ຮົງກົງ ມີ 1 ຄະແນນ.
– ອັນດັບທີ 4 ເຂດພິເສດ ປົກຄອງ ໄຕ້ຫວັນ ມີ 0 ຄະແນນ.
+ ຕະລາງແຂ່ງຂັນຂອງ ທີມຊາດລາວ ຍັງອີກ 2 ນັດ ມີດັ່ງ ນີ້:
– ວັນທີ 21/7/2017 ເວ ລາ 15:00 ທີມຊາດລາວ ພົບກັບ ເຂດປົກຄອງພິເສດ ຮົງກົງ.
– ວັນວທີ 23/7/2017 ເວ ລາ 18:00 ທີມຊາດລາວ ພົບກັບ ສ.ເກົາຫຼີ.
ຂາວຈາກ:laosportnews.com.