ຄະດີປະຫວັດສາດ ບໍ່ອ່ານ LINE ກໍຖືກຟ້ອງຢ່າໄດ້ !

ເອີ້ນວ່າເປັນຄະດີທີ່ຕ້ອງຮູ້ ຫລ້າສຸດສານໄຕ້ຫວັນໄດ້ຕັດສິນໃຫ້ພັນລະຍາຟ້ອງຢ່າກັບສາມີ ຫຼັງຈາກທີ່ສາມີບໍ່ໄດ້ອ່ານຂໍ້ຄວາມທາງ LINE ເປັນເວລາເຖິງ 6 ເດືອນ.

ພັນລະຍາຊາວໄຕ້ຫວັນໄດ້ສົ່ງຂໍ້ຄວາມເຖິງສາມີລວມໄລຍະເວລາກວ່າ 6 ເດືອນ ໂດຍທີ່ຂໍ້ຄວາມຕ່າງໆເຫຼົ່ານັ້ນຂຶ້ນຈະ​ແຈ້ງວ່າອ່ານຮຽບຮ້ອຍແລ້ວ (read) ແຕ່ບໍ່ມີການຕອບກັບຈາກສາມີແຕ່ຢ່າງໃດ ຈົນວັນໜຶ່ງພັນລະຍາໄດ້ປະສົບອຸປະຕິເຫດ ຕ້ອງເຂົ້າຫ້ອງສຸກເສີນ ລາວໄດ້ສົ່ງຂໍ້ຄວາມຫາຜູ້ເປັນສາມີ ເພື່ອຕ້ອງການຮູ້ວ່າ ເຫດໃດເຖິງບໍ່ຍອມຕອບຂໍ້ຄວາມ.

ຈາກນັ້ນ 2-3 ເດືອນ ສາມີໄດ້ສົ່ງຂໍ້ຄວາມຫາພັນລະຍາກ່ຽວກັບໝາທີ່ລ້ຽງ ແລະ ມີຈົດໝາຍສົ່ງຫາພັນລະຍາ ໂດຍບໍ່ໄດ້ສະແດງເຖິງຄວາມຫ່ວງ​ໄຍເລີຍ. ສານຈຶ່ງຕັດສິນໃຫ້ພັນລະຍາຟ້ອງຢ່າກັບສາມີ ເນື່ອງຈາກຊີວິດຄູ່ຂອງທັງສອງນັ້ນຢູ່ໃນລະດັບທີ່ເກີນຮັກສາແລ້ວ.