ສິງກະໂປ ພົບໂຄວິດ-19 ລະບາດໃນກຸ່ມ ພໍ່ຄ້າຂາຍປາໃນຕະຫຼາດສົດ

ສິງກະໂປພົບໂຄວິດ-19 ລະບາດໃນຕະຫຼາດສົດ 11 ແຫ່ງທົ່ວປະເທດ ຄາດວ່າສາເຫດມາຈາກທ່າທຽບເຮືອຂອງຊາວປະມົງ.

ກະຊວງສາທາລະນະສຸກ ສິງກະໂປ ລາຍງານວ່າ: ການແພ່ລະບາດຂອງໂຄວິດ-19 ໃນກຸ່ມພໍ່ຄ້າຂາຍປາໃນຕະຫຼາດສົດ 11 ແຫ່ງ ທົ່ວປະເທດ ໂດຍຄາດວ່າມີສາເຫດມາຈາກຮ້ານຂາຍປາທີ່ທ່າທຽບເຮືອຂອງຊາວປະສົງທີ່ ຈູຣົ່ງ ຫຼັງຈາກພົບວ່າຜູ້ຕິດເຊື້ອໄດ້ເດີນທາງໄປຮັບປາຈາກທ່າເຮືອດັ່ງກ່າວ ແລະ ຖືກກວດພົບວ່າຕິດເຊື້ອໂຄວິດ-19 ຈຳນວນ 19 ຄົນ ຊຶ່ງເຊື່ອມໂຍງກັບກໍລະນີທີ່ສູນອາຫານ ຮົງລີມ ແລະ ທ່າທຽບເຮືອ ຈູຣົງ ຕ້ອງເຮັດໃຫ້ປິດຕະຫຼາດດັ່ງກ່າວໄປຈົນເຖິງທ້າຍເດືອນນີ້ເພື່ອທຳຄວາມສະອາດຂ້າເຊື້ອ.

ແຫຼ່ງຂ່າວ: CNA