ຄວາມອຶດຫິວຂ້າຊີວິດ 11 ລ້ານຄົນໃນທົ່ວໂລກ ຫຼາຍກວ່າອັດຕາເສຍຊີວິດຈາກໂຄວິດ-19.
ອົງກອນການກຸສົນ ອອກສຟາມ(Oxfam) ເປີດເຜີຍຂໍ້ມູນໃນລາຍງານ“The Hunger Virus Multiplies”(ອາດຈະແປວ່າ: ການລະບາດຂອງເຊື້ອໄວຣັດ ເຮັດໃຫ້ຄວາມອຶດຫິວ ເພີ່ມສູງຂຶ້ນ ) ເມື່ອວັນທີ 8 ກໍລະກົດວ່າ ມີຜູ້ຄົນທົ່ວໂລກເສຍຊີວິດຈາກຄວາມອຶດຫິວປະມານ 11 ຄົນໃນທຸກນາທີ, ເພີ່ມຂຶ້ນເຖິງ 6 ເທົ່າຈາກປີທີ່ແລ້ວ ແລະ ຍັງຫຼາຍກວ່າອັດຕາການເສຍຊີວິດຈາກໂຄວິດ-19 ທີ່ປະມານ 7 ຄົນຕໍ່ນາທີ.
ລາຍງານລະບຸວ່າ ຂະນະນີ້ມີ 155 ລ້ານຄົນໃນທົ່ວໂລກ ປະເຊີນກັບຄວາມບໍ່ໝັ້ນຄົງທາງດ້ານສະບຽງອາຫານໃນລະດັບວິກິດ ຫຼື ແຢ້ກວ່ານັ້ນເພີ່ມຂຶ້ນຈາກປີທີ່ແລ້ວປະມານ 20 ລ້ານຄົນ ຈາກພາວະໂລກຮ້ອນ ແລະ ຜົນກະທົບ ທາງເສດຖະກິດຈາກການລະບາດຂອງໂຄວິດ-19 ເຮັດໃຫ້ລາຄາອາຫານໂລກເພີ່ມຂຶ້ນ 40% ສູງທີ່ສຸດໃນຮອຍບກວ່າ ໜຶ່ງທົດສະຫວັດທີ່ຜ່ານມາ. ຂະນະທີ່ສົງຄາມ ແລະ ຄວາມຂັດແຍ້ງໃນພື້ນທີ່ຕ່າງໆ ຄືສາເຫດຫຼັກຂອງບັນຫາຄວາມຫິວໂຫຍ, ຄິດເປັນ 2 ໃນ 3 ຂອງການເສຍຊິວິດຂອງການອຶດຫິວທົ່ວໂລກ ຊຶ່ງປະເທດທີ່ມີສະພາວະສົງຄາມເຊັ່ນ ອາຟການິສະຖານ, ອີທີໂອປີ, ຊູດານໃຕ້, ຊີເຣຍ ແລະ ເຢແມນ ລ້ວນແຕ່ຢູ່ໃນວິກິດຄວາມອຶດຫິວທີ່ຮ້າຍແຮງທີ່ສຸດໃນໂລກ.
