ໂຄວິດກາຍພັນ “ແລມດາ” ອັນຕະລາຍກວ່າ ‘ເດລຕາ’

ເມື່ອວັນທີ 7 ກໍລະກົດນີ້, ກະຊວງສາທາລະນະສຸກລາດຊະອານາຈັກ ອັງກິດ ແຈ້ງເຕືອນຜ່ານທະວິດເຕີເຝົ້າລະວັງເຊື້ອໂຄວິດ-19 ກາຍພັນ ສາຍພັນ ແລມດາ(lambda) ຫຼືມີຊື່ລະຫັດວ່າ C.37 ຊຶ່ງພົບເຫັນຄັ້ງທຳອິດທີ່ປະເທດ ເປຣູ ເມື່ອທ້າຍປີ 2019 ວ່າອັນຕະລາຍກວ່າເຊື້ອໂຄວິດສາຍພັນ ເດລຕາ ຊຶ່ງໃນຊ່ວງ 4 ອາທິດ ໄດ້ແພ່ລະບາດໄປຍັງກວ່າ 30 ປະເທດທົ່ວໂລກ.

ກ່ອນໜ້ານີ້, ຕາມການລາຍງານຂອງອົງການອະນາໄມໂລກ ໄດ້ຈັດໃຫ້ເຊື້ອໂຄວິດສາຍພັນ ແລມດາ ເປັນເຊື້ອໂຄວິດໃນລະດັບທີ່ໜ້າສົນໃຈ ໃນເດືອນມິຖຸນາຜ່ານມາ ພ້ອມທັງລະບຸວ່າ ເຊື້ອໂຄວິດສາຍພັນ ແລມດາ ໄດ້ແພ່ລະບາດກວ້າງຂວາງຂຶ້ນ ຈົນພົບຜູ້ຕິດເຊື້ອໃນ ເປຣູ ໃນຊ່ວງເດືອນພຶດສະພາ ແລະ ເດືອນ ມີຖຸນາທີ່ຜ່ານມາເຖິງ 82% ຂອງຈຳນວນຜູ້ຕິດເຊື້ອໂຄວິດ-19 ໃນປະເທດ.

ໃນຂະນະທີ່ ເປຣູ ເປັນຊາດທີ່ສ້າງສະຖິຕິມີອັດຕາເສຍຊິວິດສູງທີ່ສຸດໃນໂລກ ເພາະຂະນະທີ່ ເປຣູ ມີຜູ້ຕິດເຊື້ອໃນປະເທດ 2.06 ລ້ານຄົນແຕ່ມີຜູ້ເສຍຊີວິດສູງເຖິງ 193,588 ຄົນ.

ສ່ວນອົງກອນສາທາລະນະສຸກພາກພື້ນອາເມລິກາໃນລາດຊະອານາຈັກອັງກິດ ຈັດເຊື້ອໂຄວິດກາຍພັນ ແລມດາ ທີ່ຕ້ອງມີການກວດສອບເນື່ອງຈາກມັນມີສັກກາຍະພາບໃນການແພ່ລະບາດໄປຍັງຫຼາຍປະເທດທົ່ວໂລກ ແລະ ຍັງພົບວ່າສາຍພັນ ແລມດາ ເກີດການກາຍພັນຫຼາຍຢ່າງ.