ເວສແຮມ ຢູໄນເຕັດ ຄວ້າ ຮາດ ມາຮ່ວມທີມດ້ວຍສັນຍາຢືມໂຕ 1 ປີ

ເວສແຮມ ຢູໄນເຕັດ ປະສົບ ຄວາມສຳເລັດໃນການຄວ້າໂຕ ໂຈ ຮາດ ຜູ້ຮັກສາປະຕູທີມຊາດ ອັງກິດ ຈາກ ແມນເຊສເຕີ ຊິຕີ ເປັນທີ່ຮຽບຮ້ອຍແລ້ວ ດ້ວຍສັນ ຍາຢືມໂຕເວລາ 1 ລະດູການ ສຳ ລັບເງິນຄ່າຢືມໂຕ ເວສແຮມ ຢູ ໄນເຕັດ ຕ້ອງການຈ່າຍໃຫ້ກັບ ແມນເຊສເຕີ ຊິຕີ ຢູ່ທີ່ຈຳນວນ 2 ລ້ານປອນ.
ຫຼັງ ເປບ ກວາດິໂອລາ ເຂົ້າ ມາຮັບວຽກຄຸມ ແມນເຊສເຕີ ຊິຕີ ໃນລະດູການປີ 2016 ເຮັດໃຫ້ ຮາດ ຫຼຸດອອກຈາກໂຕຈິງຂອງ ທີມເພາະ ຮາດ ບໍ່ໄດ້ຢູ່ໃນແຜນ ການເຮັດທີມຂອງ ກວາດິໂອລາ ລະດູການຜ່ານມາຖືກປ່ອຍໃຫ້ ໂຕຣິໂນ ໃນ ອິຕາລີ ຢືມໂຕໄປ ກ່ອນລະດູການໃໝ່ 2017-18 ຈະຖືກປ່ອຍໃຫ້ ເວສແຮມ ຢູໄນ ເຕັດຢືມໄປໃຊ້ງານອີກໜຶ່ງລະດູ ການ.
ໂດຍ ຮາດ ເປີດໃຈວ່າ ລາວ ຕ້ອງຍ້າຍທີມ ເພື່ອໂອກາດໃນ ການລົງສະໜາມຢ່າງຕໍ່ເນື່ອງ ເຊິ່ງເຮັດໃຫ້ລາວມີລຸ້ນຕິດທີມ ຊາດ ອັງກິດ ໄປລຸຍບານໂລກ 2018 ທີ່ ຣັດເຊຍ ໄລຍະກາງ ປີໜ້າ.