ສາດສະດາຈານ Dame Anne Johnson ສະເໜີແນະວິທີດຳລົງຊີວິດຢູ່ຮ່ວມກັບໂຄວິດ

ແຫ່ງຂ່າວຈາກ Siana Griffiths ອ້າງເຖິງຄຳຄິດເຫັນຂອງສາດສະດາຈານ ກິຕິມະສັກມະຫາວິທະຍາໄລ ຮົງກົງ ຕໍ່ສະພາບການລະຍາດຂອງພະຍາດທຸກມື້ນີ້ໂດຍຮຽກຮ້ອງໃຫ້ມີການປັບຄວາມສົມດຸນລະຫວ່າງ ການກັບຄືນສູ່ສະພາບດຳລົງຊິວິດແບບປົກະຕິ ໂດຍບໍ່ໃຫ້ໃສ່ໃຈ ແລະ ກັງວົນຫຼາຍຕໍ່ການປ້ອງກັນໄວຣັດ.

ທ່ານກ່າວວ່າ: “ຂ້າພະເຈົ້າຄິດວ່າ ພວກເຮົາບໍ່ຄວນຈະດຳລົງຊີວິດແບບຈຳກັດໃນມາດຕະການຕ່າງໆ. ພວກເຮົາຄວນມີສະຕິໃຫ້ສູງຂຶ້ນ, ທຳຄວາມເຂົ້າໃຈກັບວິທະຍາສາດໃຫ້ຫຼາຍຂຶ້ນ ເພື່ອເຂົ້າໃຈແບບແຜນ ແລະ ຖອດບົດຮຽນທີ່ເຈັບແສບຈາກການລະບາດຂອງພະຍາດ”

ສາດສະດາຈານ Dame Anne Johnson ປະທານສະຖາບັນວິທະຍາສາດການແພດ ໃຫ້ຮູ້ວ່າ: “ຍັງຈະມີຫຼາຍຄົນເສຍຊີວິດຈາກໂຄວິດ-19 ແລະ ການແພ່ລະບາດຄັ້ງໃໝ່ໃນລະດູໜາວນີ້ ຈະເປັນໄພຄຸກຄາມທີ່ໜັກໜ່ວງ. ພວກເຮົາຕ້ອງຮຽນຮູ້ການດຳລົງຊິວິດຢູ່ຮ່ວມກັບໄວຣັດ ດ້ວຍການສັກວັກຊິນ ເພື່ອຫຼຸດຜ່ອນຄວາມຕາຍ”

ການທີ່ເຮັດອະນາໄມເປັນປະຈຳ, ເຮັດວຽກທາງໄກ, ໃສ່ຜ້າປິດປາກ-ດັງ, ຢູ່ບ່ອນອາກາດໂລ່ງ, ບໍ່ໄປບ່ອນຊຸມຊົນແອອັດທີ່ມີອາການຕິດເຊື້ອ, ບໍ່ໃຊ້ຍານພາຫະນະສາທາລະນະ, ບໍ່ເດີນທາງດ້ວຍເຄື່ອງບິນທີ່ບໍ່ມີຄວາມຈຳເປັນ. ທັງໝົດນັ້ນ ມັນເປັນສິ່ງທີ່ຈຳເປັນ ພາຍຫຼັງປົດລ໋ອກດາວ.

ການສັກວັກຊິນ ແມ່ນວິທີການຕົ້ນຕໍທີ່ຊ່ວຍໃຫ້ພວກເຮົາສາມາດກັບຄືນສູ່ການດຳລົງຊີວິດແບບປົກະຕິໄດ້. ສາດສະດາຈານມະຫາວິທະຍາໄລ Bristol, George Davey Smith ໃຫ້ຮູ້ວ່າ ປະຊາຊົນຕ້ອງເຂົ້າໃຈວ່າ ວັກຊິນ ມີຜົນປ້ອງກັນຮ່າງກາຍໄດ້ດີຈາກໂຄວິດ-19.

ພວກເຮົາບໍ່ຢາກໃຫ້ມີການລົ້ມຕາຍຈາກໂຄວິດ-19. ພວກເຮົາຕ້ອງປ້ອງກັນຕົນເອງ ແລະ ບໍ່ນຳເອົາເຊື້ອໄປແພ່ໃສ່ຄົນອື່ນ, ບັນຫານີ້ພວກເຮົາຍັງເຮັດບໍ່ໄດ້ດີ…