ດອກປິກໄກ່ທີມຊາຍລາວ ຕົກຮອບທຳອິດງານກິລານັກຮຽນອາຊຽນ ທີ່ສິງກະໂປ

ທັບນັກກິລາດອກປິກໄກ່ ທີມຊາຍນັກຮຽນລາວ ຕົກຮອບ ຄັດເລືອກເປັນທີ່ຮຽບຮ້ອຍແລ້ວ ຫຼັງລົງສະໜາມ 3 ນັດ ຊະນະ ພຽງ 1 ນັດ ແລະ ເສຍ 2 ນັດ ຈົບ ພຽງອັນດັບທີ 3 ຂອງກຸ່ມ B ສົ່ງ ຜົນໃຫ້ຕົກຮອບໄປຕາມລະບຽບ ການແຂ່ງຂັນກິລາດອກປິກໄກ່ ປະເພດທີມຊາຍ ງານມະຫະກຳ ກິລານັກຮຽນອາຊຽນ ຄັ້ງທີ 9 ທີ່ປະເທດສິງກະໂປ ເປັນເຈົ້າ ພາບ.
ໃນວັນທີ 15 ກໍລະກົດຜ່ານ ມາ ທີ່ສະໜາມດອກປິກໄກ່ເຕັມ ປິເນັດ ປະເທດສິງກະໂປ ໄດ້ມີ ການ ແຂ່ງຂັນກິລາດອກປິກໄກ່ ປະເພດທີມຊາຍ ຮອບແບ່ງກຸ່ມ ໃນກຸ່ມ B ປະກອບມີ: ສປປ ລາວ, ກຳປູເຈຍ, ອິນໂດເນເຊຍ ແລະ ໄທ. ໃນນີ້ສະເພາະທັບນັກກິລາ ນັກຮຽນລາວ ມີທັງໝົດ 6 ຄົນຄື: ທ້າວ ສອນມະນູ ຫຼວງສົມພູ, ທ້າວ ບຸນປະເສີດ ວັນທານຸວົງ, ທ້າວ ດາວມີໄຊ ວໍລະສິງ, ທ້າວ ຣາຊະວົງ ພິຈິດ, ທ້າວ ວັນພະ ສອນ ສຸວັນນະແພງສີ ແລະ ທ້າວ ເກດຕິຍະ ແກ້ວໄຊ.
ຜ່ານການແຂ່ງຂັນຜົນປາ ກົດວ່າ: ນັກກິລາດອກປິກໄກ່ ປະ ເພດທີມຊາຍ ນັກຮຽນລາວ ເຮັດ ໄດ້ດີທີ່ສຸດພຽງຮອບຄັດເລືອກ ຫຼັງລົງສະໜາມ 3 ນັດ ຊະນະ ພຽງ 1 ນັດ ແລະ ເສຍ 2 ນັດ ຈົບ ພຽງອັນດັບທີ 3 ຂອງກຸ່ມ B ຕົກ ຮອບໄປຕາມລະບຽບການ. ໃນ ນັ້ນຄູ່ທຳອິດເສຍໃຫ້ນັກກິລານັກ ຮຽນ ອິນໂດເນເຊຍ 0-5 ເຊັດ, ຄູ່ທີ 2 ເສຍໃຫ້ທີມນັກຮຽນ ໄທ 0-5 ເຊັດ ແລະ ຄູ່ທີ 3 ຊະນະທີມ ນັກຮຽນ ກຳປູເຈຍ 3-2 ເຊັດ.
ຂ່າວຈາກ:laosportnews.com.