ອີຢູ  ບໍ່ຮັບຮອງວັກຊີນປ້ອງກັນໂຄວິດ-19 ຊະນິດໂຄວິຊີນ

ອີງຕາມລາຍງານຂ່າວຈາກສຳນັກຂ່າວ ເອເອຟພີ ໃນວັນທີ 30 ມິຖຸນາ 2021 ຜ່ານມາ ຄະນະກຳມະການຢາແຫ່ງເອີຣົບເປີດເຜີຍວ່າ EU ບໍ່ອະນຸມັດວັກຊີນປ້ອງກັນໂຄວິດ-19 “ໂຄວິຊີນ” ຫຼື ແອສຕຣາເຊເນກາ ເອີຊັນວິນເດຍ ໃນວັກຊິນ ພາສປອດຈາກຄວາມເປັນໄປໄດ້ທີ່ ເອີຊັນວິນເດຍ ອາດມີຄວາມແຕກຕ່າງຈາກວັກຊີນ ແອສຕຣາເຊເນກາດັ້ງເດີມ.

ສ່ວນສະຫະພາບ ອາຟຣິກກາ ທີ່ມີການໃຊ້ ໂຄວິຊີນ ເປັນວັກຊີນຫລັກໃນການປ້ອງກັນໂຄວິດ-19 ໄດ້ອອກມາສະແດງຄວາມຄິດເຫັນກ່ຽວກັບການຕັດສິນໃຈຂອງ ເອີຣົບ ໃນຄັ້ງນີ້ວ່າ: ການທີ່ ເອີຣົບ ບໍ່ຮັບຮອງ ໂຄວິຊີນ ອາດສົ່ງຜົນກະທົບຢ່າງຮຸນແຮງຕໍ່ປະຊາຊົນໃນແອຟຣິກກາ.

ປັດຈຸບັນມີວັກຊີນ 4 ຊະນິດທີ່ໄດ້ຮັບອະນຸມັດໃຊ້ໃນ ເອີຣົບ ລວມມີ ໄຟເເຊີ/ໄບໂອເອັນເທັກ, ໂມເດິນນາ, ແອສຕຣາເຊເນກາ ແລະ ຈອນສັນ ແອນ ຈອນສັນ. ສ່ວນອີກ 4 ຊະນິດ ກຳລັງຢູ່ໃນລະຫວ່າງການພິຈາລະນາ ລວມມີ: ສະປຸດນິກ ວີ ຂອງລັດເຊຍ, ຊີໂນແວັກຂອງຈີນ,ໂຄແວັກ ຂອງເຢຍລະມັນ ແລະ ໂນວາແວັກຂອງສະຫະລັດ.

ຢ່າງໃດກໍຕາມ ອົງການອະນາໄມໂລກໄດ້ອະນຸມັດໃຊ້ ໂຄວິຊີນ ເປັນທີ່ຮຽງຮ້ອຍແລ້ວ ແລະ ສະແດງຄວາມເສຍໃຈໃນຄວາມເປັນຈິງທີ່ວ່າມີບາງປະເທດປະຕິເສດໃຊ້ ໂຄວິຊີນ ໃນວັກຊີນພາສປອດ.