ຢຶດອຸປະກອນຮ້ານອິນເຕີເນັດ 2 ຮ້ານ ທີ່ເລັກເປີດລະເມີມາດຕະການ ແລະ ບໍ່ມີໃບອະນຸຍາດດໍາເນີນທຸລະກິດ
ເຈົ້າໜ້າທີ່ພະແນກຕໍາຫຼວດປ້ອງກັນເສດຖະກິດຫ້ອງຕໍາຫຼວດ ປກສ ນະຄອນຫລວງວຽງຈັນ ໃຫ້ຮູ້ວ່າ: ໃນວັນທີ 23 ມິຖຸນາ 2021 ໄດ້ລົງກວດກາລາດຕະເວນພົບຮ້ານອິນເຕີເນັດຄາເຟ່ ທີ່ລັກເປີດໃຫ້ບໍລິການຫລິ້ນເກມອອນລາຍ 2 ຮ້ານ, ຮ້ານທີ1 ແມ່ນຮ້ານຂອງທ້າວ ປ໋ອກກີ້ ຢູ່ບ້ານດ່ານຄໍາ ເມືອງສີໂຄດຕະບອງ ແລະ ຮ້ານທີ2 ແມ່ນ ຂອງທ້າວ ແບ້ ຢູ່ບ້ານສົມສະຫງ່າ ເມືອງໄຊເສດຖາ ນະຄອນຫລວງວຽງຈັນ ເຈົ້າໜ້າທີ່ເຂົ້າກວດພາຍໃນຮ້ານພົບເຫັນພະນັກງານຢູ່ໃນຮ້ານພ້ອມດ້ວຍຄອມພີວເຕີ 2 ເຄື່ອງ, ເຄື່ອງພິມເຈ້ຍເຊີເກມທີ່ໃວ້ໃຫ້ບໍລິການລູກຄ້າ.
ຜ່ານການສອບຖາມເຈົ້າຂອງຮ້ານທັງ 2 ຮ້ານແມ່ນບໍ່ມີໃບອະນຸຍາດເຄື່ອນໄຫວດໍາເນີນທຸລະກິດ, ບໍ່ມີໃບອະນຸຍາດທະບຽນວິສະຫະກິດຈາກພະແນກໂທລະຄົມ-ມະນາຄົມ ແລະ ການສື່ສານ ຊຶ່ງເປັນການເປີດຮ້ານເກມອິນເຕີເນັດຄາເຟຜິດກົດໝາຍ ແລະ ຍັງເປັນການຝ່າຝືນຄໍາສັ່ງເລກທີ 12/ນຍ, ແລະ ແຈ້ງການເລກທີ່02/ຈນວ ຊ່ວງໄລຍະຍັງມີການແພ່ລະບາດພະຍາດໂຄວິດ-19.
ຕໍ່ເຫດການດັ່ງກ່າວເຈົ້າໜ້າທີ່ໄດ້ຢຶດຄອມພີວເຕີ ແລະ ເຄື່ອງພິມໄປໄວ້ທີ່ຫ້ອງຕຳຫລວດ ສ່ວນເຈົ້າຂອງຮ້ານແມ່ນຈະສືບ-ສອບສວນ ແລະ ດຳເນີນຕາມລະບຽບກົດໝາຍຕໍ່ໄປ.
