ໄຕມາດທີ 2 ຂອງປີ ປກສ ແຂວງບໍລິຄໍາໄຊ ແກ້ໄຂຄະດີຢາເສບຕິດ 45 ເລື່ອງ ຢຶດ ເຮໂຣອິນ ແລະ ກັນຊາໄດ້ 500 ກວ່າກິໂລກຣາມ

ວັນທີ 17 ມິຖຸນາ ຜ່ານມາ ສະຫາຍ ພັທ ສັງວານ ໂພສະຫວ່າງ ເລຂາໜ່ວຍ ພັກພະແນກຫ້ອງການບໍລິຫານແຂວງ ບໍລິຄຳໄຊ ລາຍງານຕໍ່ກອງປະຊຸມສະຫຼຸບວຽກງານ ແລະ ທິດ ທາງແຜນກາຕໍ່ໜ້າໃຫ້ຮູ້ວ່າ: ໃນ 3 ເດືອນຜ່ານມາ, ສາມາດເຄື່ອນໄຫວປະຕິບັດວຽກງານວິຊາສະເພາະສໍາເລັດ ຄື: ວຽກງານສະກັດກັ້ນ ແລະ ຕ້ານຢາເສບຕິດໄດ້ມີຄະດີເກີດຂຶ້ນທັງໝົດ 45 ເລື່ອງ ຜູ້ຖືກຫາ 68 ຄົນ ຍິງ 5 ຄົນ, ຄົນຕ່າງປະເທດ 1 ຄົນ, ຢຶດຂອງກາງຢາບ້າ 99.525 ເມັດ, ເຮໂຣອິນ 600 ແທ່ງ ນໍ້າໜັກ 231 ກິໂລກຣາມ, ຢາໄອສ໌ 2 ຫຼອດນ້ອຍ, ກັນຊາ 329 ກິໂລກຣາມ, ແກ່ນກັນຊາ 8 ກິ ໂລກຼາມ, ລົດໃຫຍ່ 4 ຄັນ, ລົດຈັກ 4 ຄັນ, ສົ່ງສໍານວນ ຄະດີໃຫ້ອົງການໄອຍາການ 6 ເລື່ອງ, ວຽກງານຈາລະ ຈອນ ມີອຸບັດຕິເຫດເກີນຂຶ້ນທັງໝົດ 137 ເລື່ອງ, ພາຫະນະເປເພທັງໝົດ 241 ຄັນ, ຄົນໄດ້ຮັບເຄາະຮ້າຍທັງໝົດ 215 ຄົນ,ເສຍຊີວິດ 17 ຄົນ,ຕິດປ້າຍ ລົດໄດ້ທັງໝົດ 549 ຄັນ.
ນອກນີ້, ຍັງສົມທົບກັບພະແນກ 303 ມ້າງຄະດີໄດ້ 2 ຄັ້ງ, ຕິດຕາມເປົ້າໝາຍຄາຕະກໍາ 5 ຄັ້ງ, ມີຄະດີຄ້າມະນຸດ 2 ເລື່ອງ, ມີຜູ້ຖືກຫາ 2 ຄົນ, ຄະດີຂົ່ມຂືນທໍາສໍາເລົາເດັກ 2 ເລື່ອງ, ລົງເກັບກໍາຂໍ້ມູນທໍາອານາຈານ 1 ຄັ້ງ.