ສປປ ເກົາຫຼີປັບປຸງກົດລະບຽບພັກ

ສຳນັກຂ່າວຕ່າງປະເທດ ເມື່ອວັນທີ 10 ມິຖຸນານີ້ ລາຍງານວ່າ ຜູ້ນຳເກົາຫຼີເໜືອປັບປຸງປ່ຽນແປງກົດລະບຽບພັກຈາກ ‘ກອງທັບເປັນສິ່ງສູງສຸດ’ ມາເປັນ ‘ປະຊາຊົນເປັນສິ່ງສູງສຸດ’

ການປ່ຽນແປງກົດລະບຽບຂອງພັກແຮງງານ ເກົາຫຼີຄັ້ງນີ້ ປະທານ ຄີມ ຈອງອຶນ ໄດ້ຍົກໃຫ້ “ປະຊາຊົນເປັນສິ່ງສູງສຸດ” ແລະ ສຳຄັນທີ່ສຸດ, ຊຶ່ງອັນນີ້ມັນສະແດງໃຫ້ເຫັນວ່າ ທ່ານມີຄວາມຫມາຍຍາມສ້າງບົດບາດໃໝ່ໃຫ້ມີສີສັນສະເພາະຂອງຕົນ ທີ່ແຕກຕ່າງກັບບິດາຂອງຕົນ.

ນັບແຕ່ມື້ຂຶ້ນກຳອຳນາດເປັນຕົ້ນມາໃນປີ 2011 ທ່ານຄີມ ຍາມໃດກໍສະແດງຄວາມເຄົາລົບຕໍ່ 3 ສາຍເລືອດຂອງ “Paektu” ຢ່າງຈິງຈັງ, ຊຶ່ງເປັນສາຍເລືອດ 3 ຮຸ້ນຂອງຜູ້ນຳເກົາເໜືອ.

ເຖິງຢ່າງໃດກໍຕາມ, ໃນຄວາມພະຍາຍາມປັບປຸງອຳນາດຂອງຕົນຕະຫຼອດ 10 ປີທີ່ຜ່ານມານັ້ນ, ທ່ານ ຄີມ ຈອງອຶນ ໄດ້ພະຍາຍາມສ້າງມໍລະດົກທາງການເມືອງໃຫ້ສະເພາະກັບຕົນ ເພື່ອຮັກສາບົດບາດໃນອະນາຄົດ.

ສຳນັກຂ່າວ Nikkei Aisia ໃຫ້ຮູ້ວ່າ: ໃນກອງປະຊຸມໃຫຍ່ຂອງພັກແຮງງານເກົາຫຼີເໜືອເມື່ອເດືອນ ມັງກອນ ທີ່ຜ່ານມາ, ພັກໄດ້ຍົກເລີກຫລັກການທີ່ວ່າ ‘ກອງທັບເປັນສິ່ງສູງສຸດ’ (Songun) ແລະ juche ຊຶ່ງໝາຍເຖີງແນວຄິດແຍກອອກຈາກໂລກພາຍນອກ ແລະ ສຳນັກຂ່າວດັ່ງກ່າວຍັງໃຫ້ຮູ້ເພີ່ມເຕີມວ່າ ກົດລະບຽບສະບັບໃໝ່ນີ້ ບໍ່ໄດ້ຮັບຮອງເອົາເອກະສານທີ່ເປັນມໍລະດົກຂອງທ່ານ ຄີມອິນຊຸງ ແລະ ຄີມຈອງອິລ ອີກດ້ວຍ.