ໂຈໄບเດັນ ຢໍ້າຄວາມສຳພັນແໜ້ນແຟ້ນກັບອັງກິດກ່ອນຈະພົບປະກັບກຸ່ມ G7

ຂ່າວຕ່າງປະເທດລາຍງານເມື່ອວັນທີ 8 ມິຖຸນານີ້ວ່າ: ທ່ານ ໂຈໄບເດັນ ປະທານາທິບໍດີສະຫະລັດອາເມລິກາ ໃຫ້ຄຳໝັ້ນຢືນຢັນຄວາມສຳພັນພິເສດອັນແໜ້ນແຟ້ນຂອງສະຫະລັດກັບອັງກິດຕໍ່ທ່ານ ບໍຣິດ ຈອນສັນ ນາຍົກລັດຖະມົນຕີອັງກິດ ກ່ອນການປະຊຸມສຸດຍອດກຸ່ມປະເທດອຸດສາຫະກຳຊັ້ນນຳຂອງໂລກ ຫຼື G7 ທີ່ຈະມີຂຶ້ນໃນອາທິດນີ້ ຢູ່ອັງກິດ ເພື່ອຫາລືໃນປະເດັນຕ່າງໆ ລວມທັງສະຖານະການໃນໄອແລນເໜືອອີກດ້ວຍ.

ນອກຈາກນີ້, ຜູ້ນຳສະຫະລັດຍັງຈະຫາລືກັບ ທ່ານ ຈອນສັນ ໃນເລື່ອງຂໍ້ຕົກລົງ ເບຣກຊິສ ໂດຍສະແດງການສະໜັບສະໜູນຂໍ້ກຳນົດທີ່ກ່ຽວກັບ ໄອແລນເໜືອ ຊຶ່ງຖືກຕໍ່ຕ້ານຢ່າງຮຸນແຮງຈາກສະຫະພາບນິຍົມ ແລະ ຜູ້ພັກດີຕໍ່ອັງກິດ ທີ່ ໄບເດັນ ເຫັນວ່າຂໍ້ກຳນົດດັ່ງກ່າວເປັນສ່ວນສຳພັນໃນການຮັກສາສັນຕິພາບໃນໄລຍະຍາວໃນ ໄອແລນເໜືອ.