ລັດເຊຍ ຖອນຕົວອອກຈາກສົນທິສັນຍາ “ທ້ອງຟ້າເປີດ” ເປັນທີ່ຮຽບຮ້ອຍແລ້ວ

ເມື່ອວັນທີ 7 ມິຖຸນານີ້, ປະທານາທິບໍດີ ວະລາດີເມຍ ປູຕິນ ໄດ້ລົງນາມໃນຮ່າງກົດໝາຍ ເພື່ອຖອນຕົວອອກຈາກສົນທິສັນຍາວ່າດ້ວຍ “ທ້ອງຟ້າເປີດ” ຢ່າງເປັນທາງການແລ້ວ ພາຍຫຼັງສະຫະລັດປະຕິເສດທີ່ຈະກັບຄືນສູ່ສົນທິສັນຍາດັ່ງກ່າວ.

ທ່າທີດັ່ງກ່າວຂອງລັດເຊຍມີຂຶ້ນພາຍຫລັງ ລັດຖະມົນຕີຕ່າງປະເທດ ສະຫະລັດ ລາຍງານຕໍ່ ມົສໂກວ່າ ລັດຖະບານຂອງປະທານາທິບໍດີ ໂຈໄບເດັນ ບໍ່ມີຈຸດປະສົງທີ່ຈະກັບຄືນສູ່ສົນທິສັນຍາດັ່ງກ່າວອີກແລ້ວ.

ລັດເຊຍ ແລະ ສະຫະລັດ ຖອນຕົວອອກຈາກ ສົນທິສັນຍາ “ທ້ອງຟ້າເປີດ” ແລ້ວ, ຍັງເຫຼືອພຽງສົນທິສັນຍາວ່າດ້ວຍການຄວບຄຸມອາວຸດຍຸດທະສາເຝດໃໝ່ ( New START ) ນຳກັນເທົ່ານັ້ນ.