ໄວໜຸ່ມຕັ້ງກຸ່ມຊຸມແຊວ ແບບບໍ່ເກງກົວ

ກອງພັນປ້ອງກັນເຄື່ອນທີ່ໄວ ນວ ໃຫ້ຮູ້ວ່າ: ວັນທີ 6 ມີຖຸນາ 2021 ເວລາ 2:00 ໂມງເຊົ້າ ໄດ້ລົງກວດກາ ແລະ ແກ້ໄຂເຫດ ທີ່ໄດ້ຮັບແຈ້ວຈາກປະຊາຊົນພົບວ່າມີການຊຸມແຊວຂອງພວກໄວໜຸ່ມ ຈຳນວນ 8 ຄົນ ພາກັນຕັ້ງວົງດື່ມເບຍຢູ່ ຮ່ອມ 04 ບ້ານໂພນໄຊ ເມືອງໄຊເສດຖາ ນວ.
ການກະທຳຂອງພວກກ່ຽວແມ່ນລະເມີດກັບຄຳສັ່ງ ເລກທີ 15/ນຍ ແລະ ແຈ້ງການເລກທີ 02/ຈນວ ວ່າດ້ວຍການເພີ່ທະວີມາດຕະການຄວບຄຸມ ແລະ ປ້ອງກັນການແຜ່ລະບາດຂອງພະຍາດໂຄວິດ-19 ຈຶ່ງໄດ້ນໍາຕົວພວກກ່ຽວໄປມອບໃຫ້ອຳນາດການປົກຄອງບ້ານໂພນໄຊ ເພື່ອສຶກສາອົບຮົມ ມອບໃຫ້ຜູ້ປົກຄອງຮັບປະກັນເອົາໄປຄຸມຄອງ ສຶກສາອົບຮົມຕໍ່ໄປ.