ຄົບກຳນົດ 120 ວັນ ຂອງແຈ້ງການກະຊວງແຜນການ ແລະ ການລົງທຶນ ເລື່ອງໃຫ້ທາງດ່ວນແກ້ໄຂຂອດບັນຫາຕ່າງໆ

ອີງຕາມໜັງສືແຈ້ງການຂອງກະຊວງແຜນການ ແລະ ລົງທຶນ ເລກທີ 043/ຫລປ.ລທ5 ລົງວັນທີ 4 ກຸມພາ 2021 ເຖິງ ບໍລິສັດຮ່ວມທຶນພັດທະນາທາງດ່ວນ ລາວ-ຈີນ ຈໍາກັດ ເພື່ອໃຫ້ປັບປຸງການກໍານົດ ອັດຕາການການຄ່າຜ່ານທາງ ແລະ ອັດຕາແລກປ່ຽນ ໃນໂຄງການສໍາປະທານທາງດ່ວນ ແຕ່ນະຄອນຫຼວງວຽງຈັນ ຫາ ວັງວຽງ.
ເຊິ່ງມີຫຼາຍບັນຫາທີ່ຕ້ອງໄດ້ແກ້ໄຂ ແລະ ໃຫ້ປະຕິບັດຕາມກົດໝາຍຂອງ ສປປລາວ ໂດຍໃນແຈ້ງການໄດ້ກຳນົດເວລາຊັດເຈນ 120 ວັນ ເພື່ອແກ້ໄຂຂອດບັນຫາງຕ່າງໆໃຫ້ໝົດໄປ.
ນັບຈາກ ວັນທີ 4 ກຸມພາ-5 ມິຖຸນາ 2021 ນີ້ແມ່ນຄົບກຳນົດ 120 ວັນ ຫລື ປະມານ 4 ເດືອນ (ຖ້າບໍ່ລົບວັນພັກທາງລັດຖະການອອກ) ເຊິ່ງໃນແຈ້ງການດັ່ງກ່າວກໍບໍ່ໄດ້ລະບຸເຖິງການລົບວັນພັກລັດຖະການອອກແຕ່ຢ່າງໃດ.
ຫວັງວ່າ ທາງດ່ວນຈະແກ້ໄຂຕາມແຈ້ງການຂອງກະຊວງແຜນການ ແລະ ການລົງທຶນເປັນທີ່ຮຽບຮ້ອຍແລ້ວ ເຊິ່ງພາຍຫລັງການປົດລັອກຄັ້ງນີ້ ຫາກມີການອະນຸຍາດໃຫ້ປະຊາຊົນລາວໄປມາຫາສູ່ກັນ ຕາມປົກກະຕິ ຜູ້ໃຊ້ເສັ້ນທາງດ່ວນຈະໄດ້ມີຄວາມເພີງພໍໃຈຢ່າງແນ່ນອນ.