ບຣາຊິລ ປາບປື້ມເມື່ອ ວັກຊີນ ຊີໂນແວັກ ໄດ້ຮັບຜົນດີ ເຮັດໃຫ້ການລະບາດຫລຸດລົງ

ສຳນັກຂ່າວ ບີບີຊີ ລາຍງານວັນທີ 3 ມິຖຸນາ 2021 ນີ້ ວ່າ ສະຖາບັນ “ບູຕັນຕັນ” ຂອງ ບຣາຊີລ ດຳເນີນການຄວບຄຸມການລະບາດຂອງໄວຣັດໂຄວິດ-19 ທີ່ເມືອງ ເຊຣານາ ເປົາໂລ ທາງທິດຕາເວັນອອກສຽງໃຕ້ຂອງປະເທດ ຕັ້ງແຕ່ເດືອນກຸມພາເຖິງເມສາທີ່ຜ່ານມາ ໂດຍໃຊ້ວັກຊີນ ໂຄໂຣນາແວັກ ຊຶ່ງເປັນຊື່ຢ່າງເປັນທາງການຂອງວັກຊີນຕ້ານໂຄວິດດທີ່ຜະລິດໂດຍບໍລິສັດ ຊີໂນແວັກ
ເມືອງ ເຊຣານາ ມີປະຊາກອນປະມານ 45.000 ຄົນ, ແບ່ງອອກເປັນ 4 ສ່ວນ ເພື່ອກຳນົດວ່າ ການຄວບຄຸມໄວຣັດຈະເກີດຂຶ້ນເມື່ອໃດ ຊຶ່ງທິມນັກວິໄຈ ພົບວ່າການລະບາດຖືກຄວບຄຸມເອົາໄວ້ໄດ້ຫຼັງຈາກພື້ນທີ່ 3 ສ່ວນ ຫຼື 75% ຂອງປະຊາກອນຜູ້ໃຫຍ່ໄດ້ສັກວັກຊິນຄົບ 2 ເຂັມ ຜົນທີ່ອອກມາຊີ້ວ່າ ອັດຕາການເສຍຊິວິດໃນເມືອງດັ່ງກ່າວສຸດລົງເຖິງ 95%, ອັດຕາການເຂົ້າຮັບການຮັກສາໂຕໃນໂຮງໝໍຫຼຸດລົງ 86% ແລະ ອັດຕາຕິດເຊື້ອແບບມີອາການຫຼຸດລົງ 80%