ຍອດຜູ້ຕິດເຊື້ອໂຄວິດ-19ໃນອິນໂດເນເຊຍ-ຟີລິບປິນ ຍັງເພີ່ມຂຶ້ນຢ່າງຕໍ່ເນື່ອງ
ອີງຕາມເວັບໄຊ້ Worldometer ຫລ້າສຸດວັນທີ 25 ພຶດສະພາ 2021 ໃຫ້ຮູ້ວ່າ: ສະພາບການ ແພ່ລະບາດ ຂອງໂຄວິດ-19 ພາກພື້ນ ອາຊີ ຕາເວັນອອກສຽງໃຕ້ (ອາຊຽນ) ຍັງມີການແຜ່ລະບາດ ເພີ່ມຂຶ້ນຢ່າງຕໍ່ເນື່ອງໂດຍສະເພາະການແພ່ລະບາດ ໂຄວິດ-19 ໃນອິນໂດເນເຊຍ ແລະ ຟີລິບປິນ ມີຍອດຜູ້ຕິດເຊື້ອຫລາຍທີ່ສຸດ ໂດຍ ມີຜູ້ຕິດເຊື້ອ ໂຄວິດ-19 ຈຳນວນ 5.907ຄົນ ເຮັດໃຫ້ ມີຜູ້ຕິດເຊື້ອ ສະສົມ 1.781.127ຄົນ ກວມເອົາ 34 ແຂວງ ຂອງອິນໂດເນເຊຍ ແລະ ຍອດເສຍຊີວິດ ເພີ່ມຂຶ້ນ 49.455ຄົນ ຈັດເປັນອັນດັບໜຶ່ງ ໃນອາຊຽນ, ຮອງລົງມາ ແມ່ນຟີລິບປິນ ມີຜູ້ຕິດເຊື້ອໂຄວິດ-19 ລາຍໃໝ່ ໃນຮອບ 24 ຊົ່ວໂມງ ໃນວັນດຽວກັນ ຈຳນວນ 4.973ຄົນ ສົ່ງຜົນໃຫ້ມີ ຜູ້ຕິດເຊື້ອ ສະສົມ 1.184.706ຄົນ ແລະ ເສຍຊີວິດ ທັງໝົດ 19.983ຄົນ ແລະ ປະເທດອື່ນໆ ໃນພາກພື້ນນີ້ ຍັງມີຕົວເລກ ການຕິດເຊື້ອໂຄວິດ-19 ເພີ່ມຂຶ້ນ ໃນແຕ່ລະວັນ.
