ສາຍການບິນຍີ່ປຸ່ນ ໃຊ້ລະບົບຫາເຊື້ອ ພະຍາດ ໂຄວິດ-19ຂອງຜູ້ໂດຍສານ ຜ່ານມືຖື
ສຳນັກຂ່າວ ກຽວໂດ ຂອງຍີ່ປຸ່ນ, ວັນທີ24ພຶດສະພານີ້ ສາຍການບິນ ອໍລ ນີບປອນ ແອລາຍ(Nippon Airways (ANA))ຂອງຍີ່ປຸ່ນ ເລີ່ມທົດລອງ ການນຳໃຊ້ ລະບົບ ສະແດງ ຜົນກວດຫາ ເຊື້ອພະຍາດ ໂຄວິດ-19(Applications)ຜ່ານທາງມືຖື ທີ່ພັດທະນາໂດຍ ສະມາຄົມ ຂົນສົ່ງ ທາງອາກາດ ສາກົນ(IATA) ເພື່ອກວດສອບ ສະຖານະ ຜົນການກວດ ຫາເຊື້ອ ພະຍາດ ໂຄວິດ-19ຂອງຜູ້ໂດຍສານ ເຊິ່ງເປັນສ່ວນໜຶ່ງ ຂອງຄວາມພະຍາຍາມ ທີ່ຈະຟື້ນຟູ ການບິນ ສາກົນ.ສຳລັບ ເອເອັນເອ ຈະນຳໃຊ້ ລະບົບ IATA Travel Pass ເທິງຖ້ຽວບິນ ລະຫວ່າງ ນະຄອນຫລວງ ໂຕກຽວ ກັບໂຮໂນລູລູ ແລະ ນີວຢອກ ຈົນເຖິງ ວັນທີ6ມິຖຸນານີ້ ໃນການສະແດງ ຜົນກວດຫາ ເຊື້ອໂຄວິດ-19 ແບບປະຕິກິລິຍາ ຕ່ອງໂສ້ Polymerase ຫຼືPCR ຂອງຜູ້ໂດຍສານ ໃຊ້ເປັນເກນ ອະນຸມັດ ໃຫ້ເຂົ້າປະເທດ ສ່ວນໃຫຍ່ ລວມທັງ ສະຖານະການ ສັກວັກຊິນ ປ້ອງກັນ ໂຄວິດ-19 ອີກດ້ວຍ ໂດຍຈະມີທັງໝົດ 32 ສາຍການບິນ ຈະເຂົ້າຮ່ວມ ໃນຄັ້ງນີ້ ແລະ ໄດ້ເຮັດການທົດລອງ ໃຊ້ງານ ແອັບພລິເຄຊັນ ທີ່ຄ້າຍຄືກັນ CommonPass ທີ່ໄດ້ຮັບ ການສະໜັບ ສະໜູນ ຈາກກອງປະຊຸມ ເສດຖະກິດໂລກ ເມື່ອບໍ່ດົນມານີ້./.
