ໂຄວິດ-19 ກາຍພັນຈາກເດີມ 6 ສາຍພັນແລ້ວ

ນັບຕັ້ງແຕ່ມີການລະບາດຂອງໂຄວິດທີ່ເມືອງ ອູ່ຮັ່ນ ມົນທົນ ຫູເປີ່ຍ ປະເທດຈີນ ເປັນຄັ້ງທຳອີດເມື່ອປາຍປີ 2019 ນັ້ນ, ນັກວິທະຍາສາດພົບວ່າ ເຊື້ອໂຄວິດໄດ້ກາຍພັນແລ້ວເປັນຈຳນວນພັນໆສາຍພັນທີ່ກຳລັງລະບາດທົ່ວໂລກ.

ເພາະການກາຍພັນ ຫຼື ການປ່ຽນແປງທາງພັນທຸກຳ DNA ຫຼື RNA ຂອງເຊື້ອໄວຣັດນັ້ນເກີດຂຶ້ນຕະຫຼອດເວລາ ແລະ ສ່ວນໃຫ່ຍເກີດການປ່ຽນແປງໃນຕຳແໜ່ງທີ່ບໍ່ສຳຄັນ.

ສຳລັບເຊື້ອ ໂຄວິດເຫຼົ່ານີ້, ຫາກມີການກາຍພັນໃນຕໍາແໜ່ງທີ່ສຳຄັນ ນັກວິທະຍາສາດ ແລະ ເຈົ້າໜ້າທີ່ສາທາລະນະສຸກຈະເອີ້ນວ່າ ເປັນເຊື້ອໂຄວິດກາຍພັນທີ່ເປັນໜ້າກັງວົນໄດ້ແກ່:
– ເຊື້ອໂຄວິດລະບາດກາຍພັນຢູ່ອິນເດຍ ຫຼື ສາຍພັນ B.1.617 ຂະນະນີ້ໄດ້ກາຍພັນອອກເປັນ 3 ສາຍພັນຄື: B.1.617.1 – B.1.617.2 ແລະ B.1.617.3 ແຕ່ສາຍພັນ B.1.617.2 ພົບຜູ້ຕິດເຊື້ອຫຼາຍທີ່ສຸດໃນຂະນະນີ້.
– ເຊື້ອໂຄວິດລະບາດກາຍພັນຢູ່ອັງກິດ ຫຼື ໂຄວິດສາຍພັນອັງກິດ ຊຶ່ງເອີ້ນວ່າເຊື້ອໂຄວິດສາຍພັນ B.1.1.7
– ເຊື້ອໂຄວິດລະບາດກາຍພັນຢູ່ອາຟຣິກກາໃຕ້ ຫຼື B.1.351
– ເຊື້ອໂຄວິດລະບາດກາຍພັນຢູ່ບຣາຊີລ ຫຼື ເອີ້ນວ່າ P.1