ໄທພົບຜູ້ຕິດເຊື້ອໂຄວິດສາຍພັນອິນເດຍ 15 ຄົນ

ອີງຕາມການລາຍງານຂ່າວຂອງທ່ານໝໍ ໂອພາດ ການກະວິນພົງ ໃນວັນທີ 21 ພຶດສະພາ 2021 ນີ້ໃຫ້ຮູ້ວ່າ: ໄທພົບຜູ້ຕິດເຊື້ອສາຍພັນ B.1.617.2 (ອິນເດຍ) ຈຳນວນ 15 ຄົນ ຊາຍ 7 ຄົນ, ຍິງ 8ຄົນ, ອາຍຸສະເລ່ຍ 46 ປີຈາກຜົນການເກັບຕົວຢ່າງ 60 ກວ່າຕົວຢ່າງ, ທີ່ແຄັ້ມກຳມະກອນກໍ່ສ້າງແຫ່ງໜຶ່ງ ເຂດຫລັກ4 ກຸງເທບມະຫານະຄອນ, ຜູ້ຕິດເຊື້ອຍັງຢູ່ໃນລະດັບນ້ອຍບໍ່ທັນຮຸນແຮງ ເຊິ່ງປັດຈຸບັນ ພວມເລັ່ງເຂົ້ສຄວບຄຸມພື້ນທີ່ດັ່ງກ່າວນັ້ນດ່ວນ.
ທ່ານໝໍໄດ້ກ່າວຕື່ມວ່າ ຜ່ານການສຶກສາແລ້ວ ພົບວ່າສາຍພັນດັ່ງກ່າວບໍ່ໄດ້ມີທ່າທີຫລີກພູມຕ້ານທານ ເຊິ່ງສາມາດປິ່ນປົວໄດ້ ແລະ ວັກຊີນກໍສາມາດປ້ອງກັນໄດ້ ໂດຍສະເພາະປັດຈຸບັນນີ້ທາງການໄທໃຊ້ວັກຊີນ AstraZeneca ເປັນຕົ້ນຕໍ ເຊິ່ງສາມາດຕ້ານສາຍພັນອິນເດຍ ແລະ ສາຍອັງກິດໄດ້.