ຍີ່ປຸ່ນ ຊ່ວຍເຫຼືອບ້ວງເງິນດ່ວນໃຫ້ແກ່ອິນເດຍ ແລະ ມຽນມາ

ຕາມ​ຂ່າວ​ຈາກ ​ຫວຽດນາມ,ວັນ​ທີ15ພຶດສະພາ,ທ່ານ ​ໂຕ​ຊິ​ມິດ​ຊຸ ​ໂມ​ເຕກິ,ລັດຖະມົນຕີ ​ກະຊວງ ​ການ​ຕ່າງປະ​ເທດ ​ຍີ່ປຸ່ນ ​ໄດ້ຕົກລົງ ສະໜອງ ບ້ວງເງິນ ຊ່ວຍເຫຼືອຫຼ້າ ເປັນຈຳນວນ 22,5 ລ້ານ​ ໂດ​ລາ ​ສະຫະລັດ ໃຫ້ແກ່ ອິນເດຍ ແລະ ມຽນມາ. ນີ້ແມ່ນບ້ວງເງິນ ຊ່ວຍເຫຼືອຫຼ້າດ່ວນ ຂອງລັດຖະບານ ຍີ່ປຸ່ນ ເພື່ອແນໃສ່ ຊ່ວຍອິນເດຍ ຮັບມືກັບ ການແຜ່ລາມໂດຍໄວ ຂອງພະຍາດ ໂຄວິດ-19 ແລະ ຊ່ວຍໃຫ້ມຽນມາ ແກ້ໄຂສະພາບ ການຂາດແຄນ ສະບຽງອາຫານ ຍ້ອນຜົນກະທົບຈາກ ສະພາບການຂາດ ສະຖຽນລະພາບ ດ້ານການເມືອງ. ໃນຈຳນວນເງິນດັ່ງກ່າວ, ອິນເດຍ ຈະໄດ້ຮັບເງິນ ເປັນຈຳນວນ 18,5 ລ້ານ​ໂດ​ລາ​ ສະຫະລັດ ​ແລະ ສ່ວນຍັງເຫຼືອແມ່ນ 4 ລ້ານໂດ​ລາ​ ສະຫະລັດ ຈະສະໜອງໃຫ້ ມຽນມາ./.