ກະຊວງຕຳຫລວດ ຫວຽດນາມ ມອບອຸປະກອນການແພດຕ້ານການແຜ່ລະບາດຂອງພະຍາດ COVID-19 ໃຫ້ກະຊວງປ້ອງກັນຄວາມສະຫງົບລາວ
ເຊົ້າວັນທີ 12 ພຶດສະພານີ້, ກະຊວງຕຳຫຼວດ ສສ ຫວຽດນາມນໍາໂດຍທ່ານພົນໂທ ຫງວຽນແທງເຊີນ, ຫົວໜ້າກົມພົວພັນຕ່າງປະເທດ ໄດ້ນຳເອົາ ອຸປະກອນການແພດ ເພື່ອສະກັດກັ້ນ ແລະຄວບຄຸມການ ແຜ່ລະບາດ ຂອງພະຍາດ COVID-19 ກະຊວງປ້ອງກັນຄວາມສະຫງົບ ເແຫ່ງ ສປປ ລາວ ຢູ່ທີດ່ານສາກົນເກົ່າແຈວ, ແຂວງຮ່າຕິ້ງ
ໃນພິທີ່, ທ່ານພົນໂທຫງວຽນແທງເຊີນ ໄດ້ສົ່ງຄຳອວຍພອນຈາກທ່ານລັດຖະມົນຕີ ໂຕເລິມ ເຖິງບັນດາການນຳກະຊວງ, ນາຍ ແລະ ພົນຕໍາຫຼວດທຸກທ່ານ, ພະນັກງານ, ລັດຖະກອນຂອງກະຊວງປ້ອງກັນຄວາມສະຫງົບລາວອ້າຍນ້ອງ ໃນສະພາບການແຜ່ລະບາດຂອງພະຍາດໂຄວິດ -19 ກຳລັງຂະຫຍາຍອອກເປັນວົງກ້ວາງ.
ໃນໂອກາດນີ້, ກະຊວງຕໍາຫຼວດຫວຽດນາມໄດ້ຊ່ວຍເຫຼືອອຸປະກອນການແພດໃຫ້ແກ່ ກະຊວງປ້ອງກັນຄວາມສະຫງົບລາວເຊິ່ງລວມມີ: ເຄື່ອງວັດແທກອຸນຫະພູມແບບມືຖືຈໍານວນ 30 ໜ່ວຍ, ຜ້າອັດປາກການແພດຈໍານວນ 30.000 ອັນ, ຜ້າອັດປາກ N95 ຈໍານວນ 2.000ອັນ, ຊຸດປ້ອງກັນ ແລະ ຄວບຄຸມການລະບາດ 300 ຊຸດ ແລະ ນໍ້າຢາລ້າງມື ຈໍານວນ 300 ລິດ. ການຊ່ວຍເຫຼືອອຸປະກອນການແພດຂອງກະຊວງຕໍາຫຼວດໃນຄັ້ງນີ້ ຈະເປັນການປະກອບສ່ວນທີ່ມີຄວາມໝາຍ, ຊ່ວຍຫຼຸດຜ່ອນຄວາມຫຍຸ້ງຍາກຈໍານວນໜຶ່ງທີ່ກຳລັງປ້ອງກັນຄວາມສະຫງົບປະຊາຊົນລາວອ້າຍນ້ອງກຳລັງປະເຊີນໜ້າກັບພະຍາດລະບາດໃນປະຈຸບັນ.
ບັນດາຜູ້ແທນເຂົ້າຮ່ວມພິທີມອບເຄື່ອງຊ່ວຍເຫຼືອ
ທ່ານພົນໂທຫງວຽນແທງເຊີນມອບເຄື່ອງອຸປະກອນການແພດສຳລັບການສະກັດກັ້ນ ແລະຄວບຄຸມການລະບາດຂອງເຊື້ອພະຍາດ COVID-19 ໃຫ້ກະຊວງປ້ອງກັນຄວາມສະຫງົບແຫ່ງສປປລາວ.
