ນະຄອນຫລວງວຽງຈັນ ກຳນົດຈຸດບໍລິການຈໍາໜ່າຍຊີ້ນໝູ ແລະ ເຂົ້າກິນໃນໄລຍະໂຄວິດ-19

ພະແນກອຸດສາຫະກໍາ ແລະ ການຄ້າ ນະຄອນຫລວງວຽງຈັນ ຮ່ວມມືກັບລັດວິສາຫະກິດ ແລະ ຜູ້ປະກອບການ ກຳນົດຈຸດບໍລິການຈໍາໜ່າຍຊີ້ນໝູ, ເຂົ້າກິນ ແລະ ພືດຜັກ ໃນໄລຍະສະກັດກັ້ນ, ຄວບຄຸມ ແລະ ກຽມຄວາມພ້ອມຮອບດ້ານ ເພື່ອຕ້ານພະຍາດໂຄວິດ-19 ຮອດວັນທີ 20 ພຶດສະພາ 2021 ເພື່ອປະຕິບັດຕາມທິດຊີ້ນໍາຂອງຂັ້ນເທິງ ໃນການຈັດຕັ້ງປະຕິບັດວຽກງານຄຸ້ມຄອງລາຄາ ແລະ ດັດສົມສິນຄ້າໃນຕະຫລາດໃຫ້ມີປະສິດທິຜົນ ແລະ ຮັບປະກັນໃຫ້ມີສະຖຽນລະພາບທາງດ້ານລາຄາ, ມີຄວາມໝັ້ນຄົງທາງດ້ານການສະໜອງສິນຄ້າພຽງພໍກັບຄວາມຕ້ອງການ, ບໍ່ໃຫ້ມີຜົນກະທົບບໍ່ດີຕໍ່ສັງຄົມ, ຫລີກລ້ຽງການສວຍໂອກາດຂຶ້ນລາຄາສິນຄ້າ ແລະ ການເກງກໍາໄລທີ່ບໍ່ສົມເຫດສົມຜົນ ເປັນການເອົາລັດເອົາປຽບຜູ້ບໍລິໂພກ.

ຈຸດບໍລິການຈຳໜ່າຍໃນລາຄາຊີ້ນໍາ ແລະ ການຈຳໜ່າຍທົ່ວໄປ ດັ່ງນີ້: 1. ຈຸດຈຳໜ່າຍຂອງບໍລິ ສັດລັດວິສາຫະກິດ ສະບຽງອາຫານ ນະຄອນຫລວງວຽງຈັນ ນໍາເອົາສິນຄ້າປະເພດເຂົ້າກິນ ແລະ ຊີ້ນໝູ ອອກຈຳໜ່າຍຢູ່ໃນນະຄອນຫລວງວຽງຈັນ ຢູ່ 2 ຈຸດ ຄື ດັ່ງນີ້: ຈຸດຈຳໜ່າຍທີ 1 ຢູ່ບ້ານສີຫອມ, ເມືອງຈັນທະບູລີ, (ເວລາ 8:00 ໂມງ-17:00 ໂມງ, ວັນຈັນ-ວັນສຸກ) ເບີໂທຕິດຕໍ່: 020 22223339; 020 55646928; ສ່ວນຈຸດຈຳໜ່າຍທີ 2 ຢູ່ຕະຫລາດບຶງທາດຫລວງ ມີສະເພາະຊີ້ນໝູ (ເວລາ 8:00 ໂມງ-17:00 ໂມງ, ວັນຈັນ-ວັນສຸກ). ລາຄາເຂົ້າກິນ: ເຂົ້າສານໜຽວປະເພດ 1 ລາຄາ 35.000 ກີບ/ຖົງ (1ຖົງ=5 ກິໂລ); ເຂົ້າສານຈ້າວ ລາຄາ 42.000 ກີບ/ຖົງ(1ຖົງ= 5ກິໂລ); ຊີ້ນໝູປະເພດ 1 ລາຄາສູງສຸດ 48.000 ກີບ/ກິໂລ, ຊີ້ນໝູປະເພດ 2 ລາຄາສູງສຸດ 44.000 ກີບ/ກິໂລ.

2. ຈຸດຈໍາໜ່າຍຂອງບໍລິສັດຊີພີລາວຈຳກັດ ນຳເຂົ້າສິນຄ້າປະເພດ ຊີ້ນໝູ ອອກຈຳໜ່າຍພາຍໃນຮ້ານຊີພີພັອກຊ້ອຍ 20 ຮ້ານ ຢູ່ໃນນະຄອນຫລວງວຽງຈັນ ຮອດວັນທີ 23 ພຶດສະພາ 2021 (ເວລາ 6:00 -19:00ໂມງທຸກໆວັນ) ຄືດັ່ງນີ້: ກະດູກຂ້າງໝູ ລາຄາ 47.500 ກີບ/ກິໂລ, ສັນໃນ 44.500 ກີບ/ກິໂລ, ກະດູກອ່ອນ 47.500 ກີບ/ກິໂລ, ຊີ້ນສະໂພກ 39.500 ກີບ/ກິໂລ, ຄໍໝູປີ້ງ 47.500 ກີບ/ກິໂລ, ຊີ້ນບ່າໄຫລ່ 38.500 ກີບ/ກິໂລ, ສັນຄໍ 47.500 ກີບ/ກິໂລ, ຊີ້ນສອງຊັ້ນ 39.500 ກີບ/ກິໂລ, ສັນນອກ 41.500 ກີບ/ກິໂລ, ຊີ້ນສາມຊັ້ນລອກໜັງ 44.500 ກີບ/ກິໂລ, ສັນນອກຕິດໜັງ 44.500 ກີບ/ກິໂລ ແລະ ຊີ້ນສາມຊັ້ນ 46.500 ກີບ/ກິໂລ.
3. ຈຸດຈໍາໜ່າຍຂອງບໍລິສັດຄໍາແພງເພັດ ແຈ້ງສະຫວ່າງ ສົ່ງເສີມການກະເສດຂາອອກ-ຂາເຂົ້າ ຈຳກັດຜູ້ດຽວ ນໍາເອົາສິນຄ້າປະເພດເຂົ້າກິນ ອອກຈໍາໜ່າຍຢູ່ໃນນະຄອນຫລວງວຽງຈັນ ດັ່ງນີ້: ຈຸດຈຳໜ່າຍຢູ່ບ້ານນາສ້ຽວ, ເມືອງນາຊາຍທອງ ຫລື ຕະຫລາດແຈ້ງສະຫວ່າງ (ເວລາ 8:00-17:00 ໂມງ, ວັນຈັນ-ວັນອາທິດ) ເບີໂທຕິດຕໍ່: 020 99902383; 020 9977 5299. ສຳລັບລາຄາເຂົ້າກິນ: ເຂົ້າສານ ໜຽວປະເພດ 1 ລາຄາ 35.000 ກີບ/ຖົງ, 1ຖົງ= 5ກິໂລ), ເຂົ້າສານໜຽວປະເພດ 2 ລາຄາ 32.500 ກິບ/ຖົງ 1 ຖົງ= 5ກິໂລ), ເຂົ້າສານຈ້າວລາຄາ 42.000 ກີບ/ຖົງ (1ຖົງ= 5ກິໂລ), ເຂົ້າສານຈ້າວຫອມມະລິປະເພດ 1 ລາຄາ 50.000 ກີບ/ຖົງ (1ຖົງ= 5ກິໂລ) ແລະ ເຂົ້າສານຈ້າວຫອມມະລິປະເພດ 2 ລາຄາ 45.000 ກິບ/ຖົງ (1 ຖົງ= 5ກິໂລ).
4. ຈຸດຈຳໜ່າຍພືດຜັກອິນຊີ: ດົງນາໂຊກ ຂາຍໝົດມື້ ວັນຈັນ ແລະ ວັນພະຫັດ, ຕະຫລາດຊ້າງຄູ້ ຂາຍຕອນບ່າຍ ວັນຈັນ ແລະ ວັນພະຫັດ, ຕະຫລາດຫ້ວຍຫົງ ຂາຍຕອນບ່າຍ ວັນເສົາ, ຕະຫລາດຫລັກ 8 ສົມຫວັງ ຂາຍທາງອອນໄລ ແລະ ສົ່ງເປັນມື້, ຮ້ານຄ້າກອງທັບຫລັກ 5 ຂາຍຕອນບ່າຍ ວັນຈັນ ແລະ ວັນພະຫັດ, ຕະຫລາດທົ່ງຂັນຄໍາ ຂາຍຕອນເຊົ້າວັນອາທິດ, ຕະຫລາດ ຊຳເກດລາວສຳພັນ ຂາຍຕອນເຊົ້າວັນອາທິດ, ເດີ່ນສູນການຄ້າລາວ-ໄອເຕັກ ຂາຍຕອນເຊົ້າວັນພຸດ ແລະ ວັນເສົາ. ເບີໂທພົວພັນ: 020 55216244 ທ່ານ ຄໍາພູ ພັນທະບູນ ຫົວໜ້າກຸ່ມກະສິກໍາອິນຊີ ຂອງນະຄອນຫລວງວຽງຈັນ
5. ການຈຳໜ່າຍທົ່ວໄປ ກໍ່ມີການບໍລິການປົກກະຕິ: ຕະຫລາດ, ສູນການຄ້າ, ຊັບພະສິນຄ້າ ແລະ ຮ້ານຄ້າຍ່ອຍທີ່ທາງການອະນຸຍາດ.