ຍອດພະຍາບານ ອີຣານ ຕິດເຊື້ອໂຄວິດ-19 ສູງເກີນ100.000 ຄົນ ແລະ ເສຍຊີວິດ 120ຄົນ
May 13, 2021 - 3:43 PM
ຕາມຂ່າວຈາກ ເຕເຮຣັງ,ວັນທີ12ພຶດສະພານີ້,ທ່ານ ໂມຮຳໝັດ ມີຊາເບກີ,ຫົວໜ້າ ອົງການ ພະຍາບານ ອີຣານ ເປີດເຜີຍວ່າ: ຍອດພະຍາບານ ຕິດເຊື້ອໂຄວິດ-19 ສູງເກີນ100.000 ຄົນ ແລະ ເສຍຊີວິດ 120ຄົນ ນັບຕັ້ງແຕ່ ເກີດການ ແຜ່ລະບາດ ໃນປະເທດ ເມື່ອເດືອນ ກຸມພາປີກາຍ ເຮັດໃຫ້ເກີນ ການຂາດແຄນ ພະຍາບານ ໃນຂະນະນີ້ ເຖິງວ່າ ຈະມີການຈ້າງງານ ພະຍາບານ 53.000ຄົນ ຕະຫລອດ ຫລາຍປີ ຜ່ານມາ ແຕ່ກັບມີ ການຈ້າງງານ ພະຍາບານພຽງ 3.000ຄົນເທົ່ານັ້ນ. ພ້ອມດຽວກັນນີ້ ຍັງຮຽກຮ້ອງ ໃຫ້ເຈົ້າໜ້າທີ່ ສາທາລະນະສຸກ ດຳເນີນ ການສັກວັກຊິນ ໃຫ້ບຸກຄະລາກອນ ພະຍາບານ ພາຍໃນ ປະເທດທັນທີ. ອີຣານ ເລີ່ມດຳເນີນ ສັກວັກຊິນ ປ້ອງກັນ ໂຄວິດ-19 ທີ່ພັດທະນາ ພາຍໃນປະເທດ(COV-Iran Barekat) ຂະໜານໃໝ່ ເມື່ອວັນທີ11ພຶດສະພາ ຜ່ານມາ./.
