ເບີເຊລ ຊະນະຄະແນນ ມິອຸຣະ ແບບເອກະພາບ ສາມາດປ້ອງກັນແຊ໊ມໂລກຮຸ່ນຊຸບເປີ ເຟເທີເວດ ເອົາໄວ້ໄດ້

ມິເກລ ເບີເຊລ ນັກຊົກຊາວ ແມັກຊິໂກ ເຈົ້າຂອງແຊ໊ມໂລກ ຮຸ່ນ ຊຸບເປີ ເຟເທີເວດ ຂອງ ສະພາ ມວຍໂລກ ຫຼື (WBC) ສາມາດ ຮັກສາສາຍແອວເອົາໄວ້ໄດ້ ດ້ວຍ ການເອົາຊະນະຄະແນນ ທາກາຊິ ມິອຸຣະ ຜູ້ທ້າຊີງຊາວ ຢິ່ປຸ່ນ ອາຍຸ 33 ປີ ແບບເອກະພາບ 1116-111, 119-108 ແລະ 120-109. ເພີ່ມສະຖິຕີເປັນຊະນະ 32 ຄັ້ງ ເສຍ 1 ຄັ້ງ ນ໊ອກ28 ຄັ້ງ. ຂະ ນະທີ່ ມິອຸຣະ ຊະນະ 34 ຄັ້ງ ເສຍ 4 ຄັ້ງ ແລະ ນ໊ອກ24 ຄ້ັງ ໃນ ການຊົກທີ່ ເດິ ຟໍຣຳ ອິງເກລວູດ ລັດແຄລິຟໍເນຍ ສະຫະລັດອາ ເມຣິກາ.
ເບີເຊລ ອາຍຸ 25 ປີ ເລີ່ມ ຕົ້ນໄດ້ດີກວ່າໃນຍົກທຳອິດ ແຕ່ ຜູ້ທ້າຊີງຕອບໂຕ້ໄດ້ດີໃນຍົກຕໍ່ມາຊົກເຂົ້າເປົ້າຫຼາຍຄັ້ງ ແຕ່ຫຼັງຈາກ ນນັ້ນເຈົ້າຂອງແຊ໊ມເຮັດໄດ້ດີ ກວ່າຕະຫຼອດ. ຈົນໄລຍະທ້າຍ ເປີດສາກແລກໝັດ ແຕ່ ເບີເຊລ ຊະນະນ໊ອກບໍ່ໄດ້ ຫຼັງການຊົກ ເບີເຊລ ເຜີຍວ່າພ້ອມສູ້ກັບ ວາຊິລ ໂລມາເຊນໂກ ຊາວ ຢູເຄຣນ ແຊ໊ມໄລກຮຸ່ນດຽວກັນຂອງ ສະ ຖາບັນອົງກອນມວນາໆຊາດ ຫຼື (WBO).
ຜົນອີກຄູ່ ເຈດຣີລ ຄໍຣາເລສ ແຊ໊ມໂລກຮຸ່ນດຽວກັນຊາວ ປາ ນາມາ ຂອງ ສະມາຄົມມວຍໂລກ ຫຼື (WBA) ຊົກກັບ ໂຣບິນສັນ ຄາສເຕຍານອສ ຊາວ ແມັກຊິໂກ ແລະ ປ້ອງກັນແຊ໊ມໄວ້ໄດ້ ຫຼັງ ຈາກກຳມະການສັ່ງຢຸດຕິການ ຊົກໃນຍົກທີ 10 ຫຼັງຈາກທັງຄູ່ ຫົວຕຳກັນ ໂດຍການນັບຄະແນນ ຄໍຣາສເລສ ຊະນະ 94-94, 94- 93 ແລະ 96-92.