ໜ້າກາກອະນາໄມ ແຊ່ນໍ້າເກືອ

ມີຂ່າວດີຈາກ ປະເທດ ການາດາ ວ່າ: ມີນັກວິທະຍາສາດຄົນໜຶ່ງຈາກປະເທດນີ້ ຄົ້ນພົບວ່າ: ຖ້າໜ້າກາກອະນາໄມ ຫາກໄດ້ແຊ່ນໍ້າເກືອ, ເມື່ອມີໄວຣັສໂຄໂຣນາ ເກາະຕິດຢູ່ໃນນັ້ນ ກໍຈະຖືກຂ້າຕາຍພາຍໃນ 5 ນາທີ. ໃນຂະນະທີ່ລໍຖ້າໃຫ້ມີໜ້າກາກອະນາໄມແຊ່ນໍ້າເກືອ ມີຈຳໜ່າຍໃນທ້ອງຕະຫຼາດທົ່ວໄປ, ທ່ານອາດຈະປະຕິບັດຕາມວິທີການລຸ່ມນີ້ໄປກ່ອນ:

1. ໃຫ້ເອົາເກືອ 2 ຈອກນ້ອຍ (ຈອກນໍ້າຊາ) ຕີໃສ່ກັບນໍ້າດື່ມເຄິ່ງຈອກນໍ້າຊາເຊັ່ນດຽວກັນ.
2. ໃຊ້ຟອຍນຸ້ມຈຸບນໍ້າເກືອ ແລ້ວເອົາທາໃສ່ເບື້ອງນອກຂອງໜ້າກາກ, ເຮັດຄືແນວນັ້ນ 2-3 ເທື່ອ, ປະໃຫ້ແຫ້ງດີ, ແລ້ວກໍສາມາດນຳເອົາມາໃຊ້ອັດປາກ-ດັງໄດ້.
3. ຖ້າບໍ່ມີໜ້າກາກອະນາໄມຊະນິດ N95, ອາດຈະນຳໃຊ້ຜ້າອັດປາກ-ດັງ ຊະນິດເຈ້ຍ ຫຼື ຊະນິດແພກັນຝຸ່ນ ໄປກ່ອນ. ຖ້າຫາກນຳໃຊ້ ຜ້າອັດປາກ-ດັງ ຊະນິດແພ, 2 ວັນໃດໃຫ້ຊັກເທື່ອໜຶ່ງ, ແລ້ວ ທານໍ້າເກືອໃສ່ ດັ່ງທີ່ແນະນຳຢູ່ໃນຂໍ້ທີ 1. ແຕ່ຄວນຈຳໄວ້ວ່າ ກ່ອນຈະນຳເອົາມາໃຊ້ອັດປາກ-ດັງ ຕ້ອງຕາກໃຫ້ແຫ້ງດີ.
4. ເກືອບໍ່ສະເພາະແຕ່ຂ້າເຊື້ືອໄວຣັສໂຄໂຣນາໄດ້ເທົ່ານັ້ນ, ແຕ່ຫາກຍັງສາມາດຂ້າເຊື້ອໄວຣັສທຸກຊະນິດທີ່ລອຍຢູ່ຕາມອາກາດໄດ້.

ຂ່າວດີຂ້າງເທິງນັ້ນ, ຖືກຕີພິມເຜີຍແຜ່ລົງໃນໜ້າວາລະສານ ບິສຊີເນັດ ອິນໄຊເດີ (Business Insider). ຖ້າທ່ານເຫັນວ່າ ເປັນປະໂຫຍດ ແລະ ສາມາດປະຕີບັດຕາມຄຳແນະນຳດັ່ງກ່າວ ຈົ່ງແຊຣ ບອກກັນໃຫ້ຫຼາຍຄົນໃນສັງຄົມຮັບຮູ້ ເພື່ອປ້ອງກັນຕົນເອງ. ຖ້າສັງຄົມມີຄວາມປອດໄພ ຕົວເຮົາເອງກໍມີຄວາມປອດໄພເຊັ່ນດຽວກັນ.