ເຄັດລັບສ້າງຄວາມໝັ້ນໃຈໃນການເຮັດວຽກ
May 10, 2021 - 5:43 PM
ໃນຍຸກສັງຄົມປັດຈຸບັນນັ້ນມີການປ່ຽນແປງຢ່າງວ່ອງໄວ, ມີການແຂ່ງຂັນທາງສັງຄົມໃນຫລາຍໆເລື່ອງ ບໍ່ວ່າຈະເປັນໜ້າທີ່ວຽກງານ, ການດຳລົງຊີວິດ, ການຢູ່ຮ່ວມກັບຄົນອື່ນໆ, ຫລາຍໆແນວຄິດຫລາຍໆມຸມມອງຈົນສົ່ງຜົນໃຫ້ຕົນເອງເກີດຄວາມເຄັ່ງຄຽດໄດ້.
- ຮູ້ຈັກເຮັດໃຫ້ຈິດໃຈມີຄວາມສະຫງົບ : ການທີ່ຈິດໃຈຂອງເຮົາສະຫງົບນິ້ງນັ້ນຈະເຮັດໃຫ້ເຮົາສາມາດເຮັດຫຍັງຫລາຍໆຢ່າງໄດ້ຢ່າງມີສະຕິຮອບຄອບ ແລະ ພວກເຮົາຢາກແນະນຳວ່າລອງຫາໜັງສື ຫລື ຄຳສອນຕ່າງໆມາອ່ານ ເພື່ອຈະປັບໃຊ້ໃຫ້ເຮົາມີສະຕິໄດ້ ແລະ ລອງນັ່ງສະມາທິໃນຕອນເຊົ້າ ເພາະວ່າການນັ່ງສະມາທິຕອນເຊົ້າຈະເຮັດໃຫ້ຮ່າງກາຍຂອງເຮົາມີຄວາມສົດຊື່ນແຈ່ມໃຈ ມີຄວາມສະຫງົບນິ້ງ ຈະເຮັດໃຫ້ເຮົາມີສະມາທິໃນການເລີ່ມຕົ້ນເຮັດສິ່ງໃໝ່ໆຂອງມື້ຕໍ່ໄປ.
- ຄິດໃນສິ່ງດີໆ : ຄິດວ່າສິ່ງນັ້ນສິ່ງນີ້ເປັນສິ່ງທີ່ດີນັ້ນກໍຄືການເບິ່ງໂລກໃນແງ່ດີ ຈະເຮັດໃຫ້ເຮົາບໍ່ມີຄວາມເຄັ່ງຄຽດ ເພາະວ່າການທີ່ເຮົາມີຄວາມຄິດເປັນ ວິທີນີ້ຈະຊ່ວຍໃຫ້ທ່ານຝຶກຈິດໃຈ ແລະ ຝຶກຄວາມຄິດຂອງທ່ານໃຫ້ມີເຫດຜົນເມື່ອທ່ານເຮັດຫຍັງເປັນປະຈຳ ທ່ານກໍຈະສາມາດຮັບມືກັບບັນຫາຕ່າງໆທີ່ຈະເຂົ້າມາໃນຊີວິດຂອງທ່ານໄດ້ຢ່າງງ່າຍດາຍ.
- ຫາຈຸດມຸ່ງໝາຍໃນຊີວິດໃຫ້ພົບ : ວິທີນີ້ເປັນວິທີທີ່ສຳຄັນຢ່າງຍິ່ງ ເພາະວ່າການດຳລົງຊີວິດປັດຈຸບັນຖ້າເຮົາບໍ່ມີຈຸດມຸ່ງໝາຍໃນທາງການດຳລົງຊີວິດ ແລະ ຄວາມໝັ້ນໃຈໃນຕົນເອງ ການທີ່ເຮົາຈະເຮັດຫຍັງ ຫລື ຈະມຸ່ງໝາຍເປົ້າໝາຍໃນຊີວິດ ຈະເຮັດຫຍັງກໍຈະບໍ່ປະສົບຄວາມສຳເລັດ. ລອງຫາເວລາປະມານ 10 – 20 ນາທີ ເພື່ອຄິດພິຈາລະນາຫາຈຸດຢືນຂອງຕົນເອງໃຫ້ໄດ້ວ່າເຮົາຈະເຮັດຫຍັງ ແລະ ສິ່ງທີ່ເຮົາຄິດຈະເຮັດນັ້ນຈະສາມາດບັນລຸໄປຍັງເປົ້າໝາຍແນວທາງທີ່ເຮົາຕັ້ງໄວ້ໄດ້ຫລືບໍ່.
- ປຽບທຽບຂໍ້ດີ-ຂໍ້ດ້ອຍຂອງຕົນເອງກັບຜູ້ອື່ນ : ວ່າການທີ່ເຮົາຄິດແບບນີ້ແລ້ວມັນຈະມີຂໍ້ດີແນວໃດແດ່ ແລະ ມີຂໍ້ດ້ອຍຫຍັງແດ່. ການທີ່ເຮົາຊ່ວຍໃຫ້ສະຖານະການຕ່າງໆຜ່ານໄປດ້ວຍດີ ແນະນຳໃຫ້ລອງໄປປັບໃຊ້ວ່າວິທີນີ້ຈະເປັນວິທີທີ່ດີທີ່ສຸດ ເພາະວ່າເຮົາປັບຕົນເອງເຂົ້າກັບຜູ້ອື່ນ ມັນຈະເປັນວິທີການທີ່ດີສຸດ ເພາະວ່າຄົນອື່ນຄົງບໍ່ໍ່ປັບໂຕເຂົ້າຫາເຮົາ ສະນັ້ນ ຖ້າເຮົາຄິດມາດີແລ້ວ ກໍຈົ່ງລົງມືປະຕິບັດມັນທັນທີ.
