ອົດສະຕຣາລີ ຈະຮັບພົນລະເມືອງສ່ຽງຕິດໂຄວິດ-19ກັບຈາກອິນເດຍ
May 7, 2021 - 5:14 PM
ຕາມຂ່າວຈາກ ແຄັນເບຣາ,ວັນທີ7ພຶດສະພານີ້ ອົດສະຕຣາລີ ຈະຍົກເລີກ ສັ່ງຫ້າມ ພົນລະເມືອງ ອົດສະຕຣາລີ ທີ່ເດີນທາງ ມາຈາກ ອິນເດຍ ເຂົ້າປະເທດ ໃນລະຫວ່າງ ວັນທີ15-31 ພຶດສະພາ ແລະ ອະນຸຍາດ ໃຫ້ຖ້ຽວບິນ ແບບເຊົ່າເໝົາລຳ ຈາກອິນເດຍ ເພື່ອນຳພາ ຊາວອົດສະຕຣາລີ ກັບປະເທດໄດ້ ໂດຍເນັ້ນໃສ່ ກຸ່ມພົນລະເມືອງ ທີ່ມີຄວາມສ່ຽງ ຫລາຍທີ່ສຸດ ປະມານ 900ຄົນກ່ອນ ແລະ ມີຜົນກວດ ຫາເຊື້ອໂຄວິດ–19 ເປັນລົບ ແລະ ຂະນະນີ້ ທາງການຍັງບໍ່ໄດ້ ຕັດສິນ ກ່ຽວກັບ ການອະນຸຍາດ ໃຫ້ຖ້ຽວບິນ ແບບການຄ້າ ຈາກອິນເດຍ ເດີນທາງ ເຂົ້າປະເທດ ໄດ້ອີກຄັ້ງ.ປັດຈຸບັນ ອົດສະຕຣາລີ ມີຜູ້ຕິດເຊື້ອ ໂຄວິດ-19 ທັງໝົດ ເກືອບ 30ພັນຄົນ ແລະ ເສຍຊີວິດ 910ຄົນ ຖືວ່າ ຢູ່ໃນລະດັບຕ່ຳ ເມື່ອທຽບ ໃສ່ກັບ ປະເທດ ພັດທະນາແລ້ວ./.
ຮຽບຮຽງຂ່າວໂດຍ ສະໄຫວ ລາດປາກດີ
