Google ທົດລອງໃຊ້ AI ປັບແຕ່ງພາບວິວທິວທັດຈາກ Street View ບໍ່ອາໄສຝີມືມະນຸດ
ການທົດລອງເຕັກໂນໂລຊີ Artificial Intelligence ຫຼື AI (ປັບບັນຍາປະດິດ) ຫລ້າສຸດຂອງ Google ເປັນການນໍາພາບວິວທິວທັດຈາກ Street View ມາປັບ ແລະ ຕົບແຕ່ງເພື່ອໃຫ້ມີຄວາມງົດງາມໃນລະດັບມືອາຊີບດ້ວຍ AI ຫຼຸດການອາໄສຝີມືຂອງມະນຸດ ເປັນອີກໜຶ່ງຮູບແບບຂອງການໃຊ້ AI ທີ່ອາດກ່າວໄດ້ວ່າ ເປັນການຫຼຸດການເຮັດວຽກໃຫ້ແກ່ມະນຸດ.
ໜຶ່ງໃນທີມວິສະວະກອນຊອບແວພາຍໃນໂຄງການນີ້ຂອງ Google ໃຫ້ຂໍ້ມູນວ່າ: ເປັນການໃຊ້ເຕັກນິກຂອງ Machine Learning ແລະ ການພັດທະນາ Deep Neural Network ໃນການສະແກນພາບວິວທິວທັດຈາກ Street View ເປັນພັນໆພາບໃນກາລິຟໍເນຍ ເຊິ່ງຊອບແວທີ່ພັດທະນາຂຶ້ນຈະຮຽນແບບຂັ້ນຕອນການເຮັດວຽກຂອງຊ່າງພາບມືອາຊີບ ເພື່ອປ່ຽນພາບທໍາະດາໃຫ້ກາຍເປັນພາບພາໂນຣາມາທີ່ງົດງາມ.
ທາງ Google ຍັງໃຫ້ຂໍ້ມູນອີກວ່າ: ພວກເຂົາສາມາດພັດທະນາ Neural Network ໃຫ້ມີປະສິດທິພາບຫຼາຍຂຶ້ນ ສາມາດພິຈາລະນາອົງປະກອບຂອງພາບທີ່ດີໄດ້ ເປັນເຕັກນິກໃຫມ່ທີ່ Google ເອີ້ນວ່າ Generative Adversarial Network ເປັນເຕັກນິກໃຫມ່ທີ່ລວມເອົາ Neural Network ສອງໂຕມາລວມກັນ ເພື່ອໃຫ້ເກີດຜົນຈາກການປັບປຸງໂດຍລວມ ຫຼື ຈະກ່າວໃຫ້ງ່າຍໆວ່າ ລະບົບຂອງ Google ມີ AI ປະເພດ “Photo Editor” ທີ່ສາມາດແກ້ໄຂພາບໄດ້ແບບມືອາຊີບໂດຍອັດຕະໂນມັດ.
ນອກຈາກນີ້ທາງ Google ຍັງໄດ້ເຊີນຊ່າງພາບມືອາຊີບມາຮ່ວມໃຫ້ຄະແນນພາບຖ່າຍທີ່ການປະມວນຜົນໂດຍ AI ເຊິ່ງ 2 ໃນ 5 ພາບໄດ້ຮັບຄະແນນໃນລະດັບ Semi-Pro.
ທີມງາມ Google ກ່າວວ່າ: ເຄື່ອງມືທີ່ພວກເຂົາພັດທະນາຂຶ້ນ ມື້ໜຶ່ງຈະຊ່ວຍໃຫ້ໃຜກໍຕາມສາມາດຖ່າຍພາບໃນໂລກແຫ່ງຄວາມເປັນຈິງໄດ້ຢ່າງດີງາມ.
