ຍີ່ປຸ່ນ ຂະຫຍາຍສະພາວະສຸກເສີນໃນໂຕກຽວ-3ແຂວງ

ໜັງສືພິມ ​ໂຢມິ​ອຸຣິ ​ເຜີຍ​ແຜ່​ ໃນ​ວັນ​ທີ5​ພຶດສະພາ​ນີ້​ວ່າ:ຍີ່ປຸ່ນ ຈະ​ພິຈາລະນາ ຂະຫຍາຍ ​ເວລາ ​ປະກາດ​ ສະພາວະ ​ສຸກ​ເສີນ ​ໃນ​ນະຄອນຫລວງ​ ໂຕ​ກຽວ ​ແລະ ອີກ 3​ແຂວງຄື: ​ໂອຊາ​ກາ,ກຽວ​ໂຕ ​ແລະ ​ເຮ​ຍ​ໂງະ ອອກ​ໄປ​ອີກ ຈາກ 3ອາທິດ ມາ​ເປັນ 1​ເດ​ືອນ ​ເພື່ອ​ຮັບ​ມື​ກັບ ​ການ​ແຜ່​ລະບາດ ​ໂຄ​ວິດ-19 ທີ່​ຍັງ​ເພີ່ມ​ສູງ​ຂຶ້ນ. ນອກ​ຈາກນີ້ ຍີ່ປຸ່ນ ຍັງ​ໄດ້​ກຳນົດ​ໃຫ້​ ຮ້ານ​ອາຫານ,ຮ້ານ​ບັນ​ເທີ​ງ ຕ່າງໆ ​ແລະ ​ຮ້ານ​ບໍລິການ​ ເຄື່ອງ​ດື່ມ​ ທີ່​ມີ​ທາດ​​ເຫລົ້າ ປິດ​ໃຫ້ບໍລິການ​ ຊົ່ວຄາວ ຈົນ​ກວ່າ​ ຈະ​ມີ​ຄຳສັ່ງ ການ​ປ່ຽນ​ແປງໃໝ່​ ໃນ​ຕໍ່ໜ້າ./.