ສິງກະໂປພົບໂຄວິດສາຍພັນອິນເດຍ ຕິດເຊື້ອພາຍໃນປະເທດແລ້ວ 10 ຄົນ

ກະຊວງສາທາລະນະສຸກສິງກະໂປເປີດເຜີຍວ່າ: ພົບໂຄວິດກາຍພັນສາຍພັນອິນເດຍໃນສິງກະໂປ ເຊິ່ງເປັນກໍລະນີການຕິດເຊື້ອພາຍໃນປະເທດ ໂດຍໃນວັນທີ 3 ພຶດສະພາ ພົບຜູ້ຕິດເຊື້ອສາຍພັນນີ້ຈຳນວນ 10 ຄົນ ເຊິ່ງໃນຈຳນວນນີ້ມີ 7 ຄົນ ທີ່ມາຈາກ 3 ກຸ່ມກ້ອນ. ດັ່ງນັ້ນ ຕອນນີ້ສິງກະໂປຈຳເປັນຕ້ອງດຳເນີນມາດຕະການເຂັ້ມງວດຫລາຍຂຶ້ນ ເພື່ອສະກັດການແຜ່ລະບາດ.

ໂດຍນັບແຕ່ວັນທີ 1 ພຶດສະພາຜ່ານມາ ຄົນທີ່ເດີນທາງມາຈາກປະເທດທີ່ມີຄວາມສ່ຽງສູງ ຈະຕ້ອງກັກຕົວ 21 ວັນ ຈາກ 14 ວັນ.

ຂະນະດຽວກັນ ກໍໃຊ້ມາດຕະການເຂັ້ມງວດພາຍໃນປະເທດນັບແຕ່ວັນທີ 1 ພຶດສະພາ ຈົນເຖິງວັນທີ 30 ພຶດສະພານີ້ເຊັ່ນ: ຫລຸດຈຳນວນການລວມຕົວຂອງຄົນເຫລືອ 5 ຄົນ ຈາກ 8 ຄົນ ໂດຍແຕ່ລະເຮືອນຮັບແຂກໄດ້ສູງສຸດ 5 ຄົນເທົ່ານັ້ນຕໍ່ວັນ, ອະນຸຍາດໃຫ້ແຕ່ລະຫ້ອງການມີພະນັກງານເຮັດວຽກບໍ່ເກີນ 50% ຈາກ 75%, ສ່ວນກໍລະນີຈັດງານຕ່າງໆ ທີ່ມີຄົນມາລວມກັນຈຳນວນຫລາຍເຊັ່ນ: ງານແຕ່ງດອງ, ກອງປະຊຸມ ຈະຕ້ອງມີການກວດຄັດກອງໂຄວິດກ່ອນ, ປະກາດປິດບ່ອນອອກກຳລັງກາຍ.

ກະຊວງສາທາລະນະສຸກສິງກະໂປເປີດເຜີຍວ່າ: ພົບໂຄວິດກາຍພັນສາຍພັນອິນເດຍໃນສິງກະໂປ ເຊິ່ງເປັນກໍລະນີການຕິດເຊື້ອພາຍໃນປະເທດ ໂດຍໃນວັນທີ 3 ພຶດສະພາ ພົບຜູ້ຕິດເຊື້ອສາຍພັນນີ້ຈຳນວນ 10 ຄົນ ເຊິ່ງໃນຈຳນວນນີ້ມີ 7 ຄົນ ທີ່ມາຈາກ 3 ກຸ່ມກ້ອນ. ດັ່ງນັ້ນ ຕອນນີ້ສິງກະໂປຈຳເປັນຕ້ອງດຳເນີນມາດຕະການເຂັ້ມງວດຫລາຍຂຶ້ນ ເພື່ອສະກັດການແຜ່ລະບາດ.

ໂດຍນັບແຕ່ວັນທີ 1 ພຶດສະພາຜ່ານມາ ຄົນທີ່ເດີນທາງມາຈາກປະເທດທີ່ມີຄວາມສ່ຽງສູງ ຈະຕ້ອງກັກຕົວ 21 ວັນ ຈາກ 14 ວັນ.

ຂະນະດຽວກັນ ກໍໃຊ້ມາດຕະການເຂັ້ມງວດພາຍໃນປະເທດນັບແຕ່ວັນທີ 1 ພຶດສະພາ ຈົນເຖິງວັນທີ 30 ພຶດສະພານີ້ເຊັ່ນ: ຫລຸດຈຳນວນການລວມຕົວຂອງຄົນເຫລືອ 5 ຄົນ ຈາກ 8 ຄົນ ໂດຍແຕ່ລະເຮືອນຮັບແຂກໄດ້ສູງສຸດ 5 ຄົນເທົ່ານັ້ນຕໍ່ວັນ, ອະນຸຍາດໃຫ້ແຕ່ລະຫ້ອງການມີພະນັກງານເຮັດວຽກບໍ່ເກີນ 50% ຈາກ 75%, ສ່ວນກໍລະນີຈັດງານຕ່າງໆ ທີ່ມີຄົນມາລວມກັນຈຳນວນຫລາຍເຊັ່ນ: ງານແຕ່ງດອງ, ກອງປະຊຸມ ຈະຕ້ອງມີການກວດຄັດກອງໂຄວິດກ່ອນ, ປະກາດປິດບ່ອນອອກກຳລັງກາຍ.