ດານມາກ ຢຸດນຳໃຊ້ວັກຊິນປ້ອງກັນໂຄວິດ-19 ຈອນສັນແອນຈອນສັນ
May 4, 2021 - 1:09 PM
ຕາມຂ່າວຈາກ ນະຄອນຫລວງ ໂກເປັນຮັກ,ວັນທີ4ພຶດສະພານີ້ ກະຊວງ ສາທາລະນະສຸກ ຂອງດານມາກ ປະກາດ ຢຸດການນຳໃຊ້ ວັກຊິນ ປ້ອງກັນ ໂຄວິດ-19 ຂອງບໍລິສັດ ຈອນສັນ ແອນ ຈອນສັນ ເພາະມີ ຄວາມກັງວົນ ກ່ຽວກັບ ຜົນຂ້າງຄຽງ ຮຸນແຮງ ກັບລະບົບເລືອດ ຫລັງຈາກ ຈັດກອງປະຊຸມ ປຶກສາຫາລື ກັບໜ່ວຍງານ ທີ່ກ່ຽວຂ້ອງ ໄດ້ລົງມະຕິ ຢຸດການນຳໃຊ້ ວັກຊິນດັ່ງກ່າວ ອອກຈາກໂຄງການ ເຊິ່ງຈະສົ່ງຜົນກະທົບ ຕໍ່ກຳນົດ ການສັກວັກຊິນ ໃຫ້ແກ່ ກຸ່ມຕົວຢ່າງ ອາຍຸ 20-39ປີ ອາດຈະຊ້າກວ່າ ກຳນົດ ປະມານ 1ເດືອນ ສ່ວນກຳນົດ ການສັກວັກຊິນ ໃຫ້ແກ່ປະຊາຊົນ ກຸ່ມນອກເໜືອຈາກນີ້ ຈະຊ້າກວ່າ ກຳນົດ ປະມານ 1 ອາທິດ ຖືວ່າ ເປັນປະເທດ ທຳອິດ ທີ່ຢຸດການນຳໃຊ້ ວັກຊິນ ດັ່ງກ່າວ ຫລັງຈາກ ເປັນປະເທດ ທຳອິດ ຂອງໂລກ ທີ່ຢຸດໃຊ້ ວັກຊິນ ຂອງແອສຕຣາເຊເນກາ/ອອກຟອດ ເມື່ອກາງເດືອນເມສາ ທີ່ຜ່ານມາ.ປັດຈຸບັນ ດານມາກ ມີຜູ້ຕິດເຊື້ອໂຄວິດ-19ທັງໝົດ250.000ຄົນ, ປິ່ນປົວດີແລ້ວ 240.000ຄົນ ແລະ ເສຍຊີວິດ ຢ່າງໜ້ອຍ2.490ຄົນ ແລະ ນັບຕັ້ງແຕ່ ເລີ່ມໂຄງການ ສັກວັກຊິນ ເມື່ອທ້າຍປີກາຍນີ້ 23,4%ຂອງປະຊາກອນ ໃນປະເທດ ປະມານ 5,8 ລ້ານຄົນ ໄດ້ຮັບວັກຊິນ ໂດສທຳອິດ ແລະ 11,5%% ໄດ້ຮັບ ວັກຊິນຄົບ 2ໂດສ ແລ້ວ
ຂປລ
ຮຽບຮຽງຂ່າວໂດຍ ສະໄຫວ ລາດປາກດີ
