ບຣິດສະໂຕນ ແລະ ໄລເຢຍ ພັດທະນາລົດໃຫຍ່ໄຟຟ້າແສງຕາເວັນ ສາມາດແລ່ນໄລຍະທາງໄກໄດ້ເປັນລຸ້ນທຳອິດຂອງໂລກ

ບຣິດສະໂຕນ ນຳເອົາເຕັກໂນໂລຊີ ENLITEN ທີ່ໃຫ້ນໍ້າໜັກເບົາ ແລະ ເປັນມິດຕໍ່ສິ່ງແວດລ້ອມມາໃຊ້ກັບຢ່າງ TUranza Eco ເຊິ່ງອອກແບບມາໂດຍສະເພາະສຳລັບລົດໃຫຍ່ພະລັງງານໄຟຟ້າແສງຕາເວັນ ໄລເຢຍ ວັນ (Lightyear One) ຊ່ວຍເພີ່ມປະສິດທິພາບຢ່າງດີ ດ້ວຍການຍືດອາຍຸການນຳໃຊ້ຂອງແບັດເຕີຣີ, ຊ່ວຍເພີ່ມໄລຍະແລ່ນຂອງລົດໄດ້ຫລາຍຂຶ້ນ ແລະ ຍັງຫລຸດຜົນກະທົບຕໍ່ສິ່ງແວດລ້ອມ. ການຮ່ວມມືຄັ້ງນີ້ສະແດງໃຫ້ເຫັນເຖິງການພັດທະນາຫລ້າສຸດຂອງບຣິດສະໂຕນທີ່ຍັງເດີນໜ້າເປັນອົງກອນຊັ້ນນຳລະດັບໂລກດ້ານໂຊລູຊັນຂັ້ນສູງ ແລະ ການເດີນທາງແບບຍືນຍົງ.

ກວ່າ 90 ປີ ຂອງການດຳເນີນທຸລະກິດຂອງບຣິດສະໂຕນ ອົງກອນຊັ້ນນຳລະດັບໂລກດ້ານໂຊລູຊັນຂັ້ນສູງ ແລະ ການເດີນທາງແບບຍືນຍົງ ໄດ້ເປີດເຜີຍເຖິງການເປັນພັນທະມິດຮ່ວມກັບໄລເຢຍ ຜູ້ສ້າງສັນນະວັດຕະກຳດ້ານການເດີນທາງຈາກປະເທດເນເທີແລນ. ບຣິດສະໂຕນໄດ້ອອກແບບພັດທະນາຢາງທີ່ອອກແບບມາໂດຍສະເພາະສຳລັບລົດໃຫຍ່ພະລັງງານໄຟຟ້າແສງຕາເວັນ ໄລເຢຍ ວັນ ທີ່ສາມາດແລ່ນໄລຍະທາງໄກໄດ້ເປັນລຸ້ນທຳອິດຂອງໂລກ ເຊິ່ງມີແຜນຈະເປີດຕົວສູ່ຕະຫລາດໃນປະເທດເຂດເອີຣົບໃນທ້າຍປີນີ້.

ເຕັກໂນໂລຊີນີ້ຈະຊ່ວຍຫລຸດຜົນກະທົບສິ່ງແວດລ້ອມ ໂດຍຈະລົງສະໜາມທົດລອງຊ່ວງໄຕມາດ 2 ປີ 2021.

ໃນຂະນະທີ່ 37% ຂອງຜູ້ໃຊ້ລົດໃນເອີຣົບຍັງກັງວົນວ່າຈະຊື້ລົດໃຫຍ່ພະລັງງານໄຟຟ້າດີ ຫລື ບໍ່ ເນື່ອງຈາກມີຂໍ້ກັງວົນກ່ຽວກັບປະສິດທິພາບ ແລະ ຂໍ້ຈຳກັດຂອງການແລ່ນທາງໄກ “ໄລເຢຍ ວັນ” ອາດເປັນຄຳຕອບ.