ທະນາຄານໂລກຄາດວ່າເສດຖະກິດ ຫວຽດນາມຈະເຕີບໃຫຍ່ 6,3% ໃນປີນີ້
ຫວ່າງມໍ່ໆມານີ້, ທະນາຄານໂລກເປີດເຜີຍບົດລາຍງານສະ ພາບການພັດທະນາເສດຖະກິດຂອງຫວຽດນາມສະບັບຫຼ້າສຸດ ໂດຍ ຄາດຄະເນວ່າປີ 2017 ຍອດມູນຄ່າຜະລິດຕະພັນພາຍໃນ ຫຼື GDP ຂອງຫວຽດນາມຈະເຕີບໃຫຍ່ 6,3%.
ບົດລາຍງານລະບຸວ່າ: ໃນ 6 ເດືອນຕົ້ນປີນີ້ເສດຖະກິດຫວຽດນາມໄດ້ເຕີບໃຫຍ່ 5,7%, ອັດຕາເງິນເຟີ້ຕໍ່າກວ່າ 2%. ບົດລາຍງານເຫັນວ່າ: ເນື່ອງຈາກຄວາມຕ້ອງການພາຍໃນເພີ່ມຂຶ້ນ ແລະ ການຄ້ຳຊູຈາກຂະແໜງການປຸງແຕ່ງ, ເສດຖະກິດຫວຽດນາມໄດ້ຮັກສາຄວາມໄຫວພິກດີສົມຄວນ, ການເຕີບໃຫຍ່ໃນສອງຂົງເຂດດັ່ງກ່າວຈະຊ່ວຍໃຫ້ເສດຖະກິດຫວຽດນາມລຶບລ້າງອຸປະສັກລັກສະນະໂຄງປະກອບໃນການເຕີບໃຫຍ່ໄລຍະກາງ, ຮັກສາຄວາມໝັ້ນທ່ຽງຂອງເສດຖະກິດມະຫາພາກຂອງຫວຽດນາມ. ທະນາຄານໂລກຄາດຄະເນວ່າ: ອັດຕາເຕີບໃຫຍ່ຂອງເສດຖະກິດຫວຽດນາມໃນປີ 2018-2019 ອາດຈະບັນລຸເຖິງ 6,4%.
ໃນທ້າຍປີຜ່ານມາ, ລັດຖະບານຫວຽດນາມໄດ້ຕັ້ງເປົ້າໝາຍການເຕີບໃຫຍ່ GDP ໃນປີ 2017 ຂອງຕົນເປັນ 6,7%.
