ຫວຽດນາມພ້ອມໃຫ້ການຊ່ວຍເຫລືອລາວຕ້ານໂຄວິດ-19

ໃນການພົບປະທາງໄກລະຫ່ວາງທ່ານ ບຸນແຝງ ພູມມາໄລສິດ ລັດຖະມົນຕີ ກະຊວງສາທາລະນາສຸກ ແລະ ທ່ານ ຫງວຽນແທງລອງ ລັດຖະມົນຕີກະຊວງສາທາລະນາສຸກ ສສ ຫວຽດນາມ ໃນວັນທີ 29 ເມສາຜ່ານມານີ້, ເພື່ອແລກປ່ຽນບົດຮຽນ ແລະ ປະສົບການຕ່າງໆໃນ ຂະບວນການຕ້ານການແຜ່ລະບາດຂອງພະຍາດໂຄວິດ-19 ທີ່ພວມຄຸກຄາມຫລາຍ ປະ ເທດໃນປັດຈຸບັນ.
ໃນໂອກາດດັ່ງກ່າວທ່ານລັດຖະມົນຕີທັງສອງໄດ້ຍົກໃຫ້ກັນເຫັນຫລາຍບັນຫາຂອງ ການຜັນໄປຂອງພະຍາດຮ້າຍດັ່ງກ່າວໃນປະເທດຂອງຕົນ, ໂດຍສະເພາະຢູ່ລາວທ່ານລັດຖະ ມົນຕີ ບຸນແຝງ ພູມ ມາໄລສິດ ໄດ້ຊີ້ໃຫ້ເຫັນເຖິງຄວາມ ພະຍາຍາມ ຂອງລັດ ຖະບານກໍຄືກະຊວງ ສາທາ ລະນາສຸກໃນການຮັບມືກັບ ການລະບາດຂອງພະຍາໂຄວິດ-19 ໃນຄັ້ງທີ່ສອງນີ້, ຊຶ່ງຮ້າຍ ແຮງກ່ວາໄລຍະຜ່ານ ມາຫລາຍເທົາ, ຜູ້ຕິດເຊື້ອນັບມື້ເພີ່ມທະວີຂຶ້ນ, ຫລາຍແຂວງໄດ້ດຳເນີນ ມາດຕະການລອກດາວ ເພື່ອສະກັດກັ້ນການ ຕິດເຊື້ອຂອງພະຍາດດັ່ງກ່າວ, ເວົ້າລວມແລ້ວ ລາວຍັງພົບຄວາມຫຍຸ້ງຍາກ ຫລາຍຢ່າງໃນການຮອງຮັບພະຍາດນີ້, ນັບທັງອຸປະກອນ, ຢາປົວພະຍາດ ແລະ ບ່ອນປິ່ນປົວຜູ້ປ່ວຍກໍອາດຈະບໍ່ພຽງພໍຖ້າພະຍາດນີ້ຍັງສືບຕໍ່ ແຜ່ລະບາດຮ້າຍແຮງ. ດັ່ງນັ້ນການຊ່ວຍເຫລືອຂອງບັນດາປະເທດເພື່ອນມິດເພື່ອຕ້ານການ ລະບາດຂອງໂຄວິດ, ຈິ່ງມີຄວາມສຳຄັນຍິ່ງສຳລັບລາວໃນປັດຈຸບັນ.
ໃນຂະນະດຽວກັນທ່ານລັດຖະມົນຕີກະຊວງສາທາລະນາສຸກ ຫວຽດນາມ ກໍໄດ້ສະ ແດງຄວາມຈິງໃຈລາຍງານປະສົບການ ແລະ ບົດຮຽນຕ່າງໆເພື່ອຕ້ານພະຍາດຮ້າຍນີ້ຂອງ ຫວຽດນາມ ແລະ ໃຫ້ຄຳຫມັ້ນສັນຍາວ່າ: ເວລາໃດ ສສ ຫວຽດນາມກໍຈະຢູ່ຄຽງຂ້າງ ສປປລາວຕະຫລອດໄປໃນບັນຮົບຕ້ານການແຜ່ລະບາດຂອງໂຄວິດ-19 ໃຫ້ໄດ້ຮັບໄຊະນະ ແລະ ໃນໂອກາດນີ້ທ່ານ ລັດຖະມົນຕີຫງວຽນແທງລອງ ກໍໄດ້ຢືນຢັນວ່າ: ໃນເບື້ອງຕົນພັກ ແລະ ລັດຖະບນຫວຽດນາມຈະໃຫ້ການຊ່ວຍເຫລືອເຄື່ອງຊ່ວຍຫາຍໃຈຈຳນວນ 200 ເຄື່ອງ, ຜ້າອັດປາກ-ດັງ ສຳລັບການແພດ 2 ລ້ານອັນ, ຢາ chlorominB ຈຳນວນ 10 ໂຕນ ແລະ ອຸປະກອນການແພດອື່ນໆອີກ, ພ້ອມນີ້ກະຊວງສາທາລະນາສຸກຫວຽດນາມ ຈະສົ່ງຊ່ຽວຊານ ດ້ານວິເຄະເຂົ້າມາຊ່ວຍລາວເພື່ອເຮັດໃຫ້ການກວດຫາເຊື້ອໂຄວິດໄດ້ໄວຂຶ້ນ ແລະ ຊ່ຽງຊານດ້ານການຕິດຕັ້ງລະບົບສູນປິ່ນປົວຜູ້ຕິດເຊື້ອ, ໂດຍສະເພາະແມ່ນການ ປະກອບອຸປະກອນການແພດໃນຫ້ອງICU ສຳລັບຜູ້ຕິດເຊື້ອໂຄວິດ-19 ອີກດ້ວຍ ແລະ ຈະຊ່ວຍການປິ່ນປົວຜ່ານລະບົບທາງໄກກັບໂຮງຫມໍໃຫຍ່ຕ່າງໆຂອງຫວຽດນາມຕື່ມອີກ ເມື່ອໃດຝ່າຍລາວມີຄວາມຕ້ອງການ.