ນັກກິລາໂອລິມປິກ ສ.ເກົາຫລີ ໄດ້ຮັບສັກວັກຊີນປ້ອງກັນໂຄວິດ-19 ແລ້ວຫລາຍ 100 ກວ່າຄົນ
ວັນທີ 29ເມສາ 2021 ນີ້ ສ.ເກົາຫລີ ເລີ່ມສັກວັກຊິນ ປ້ອງກັນ ໂຄວິດ-19 ເຂັມທຳອິດໃຫ້ແກ່ນັກກິລາ ແລະ ຄູຝຶກສອນ ປະມານ 100 ຄົນ ທີ່ຈະເດີນທາງເຂົ້າຮ່ວມການແຂ່ງຂັນກິລາ ໂອລິມປິກ ແລະ ອີກ 500 ຄົນ ຈະໄດ້ຮັບວັກຊີນ ໃນຕົ້ນເດືອນໜ້າກ່ອນອອກເດີນທາງໄປຍັງນະຄອນຫລວງໂຕກຽວຂອງຍີ່ປຸ່ນ ຄາດວ່າຈະມີນັກກິລາ ແລະ ຄູຝຶກສອນ ພ້ອມດ້ວຍ ທິມງານທັງໝົດຂອງ ສ.ເກົາຫລີ 900 ກວ່າຄົນ ທີ່ໄດ້ຮັບວັກຊີນ.ໃນຈຳນວນນີ້ນັກກິລາ ແລະ ຄູຝຶກສອນ 598ຄົນ ຈະໄດ້ສັກວັກຊີນຂອງໄຟເຊີເຊິ່ງມີການເວັ້ນໄລຍະຫ່າງການສັກເຂັມທຳອິດ ກັບເຂັມທີ່ສອງ ພຽງ2-3ອາທິດ ແລະ ມີໂອກາດໜ້ອຍ ທີ່ຈະສົ່ງຜົນກະທົບຕໍ່ສະພາບຮ່າງກາຍນັກກິລາເມື່ອທຽບໃສ່ກັບວັກຊີນ ຂອງແອສຕຣາເຊເນກາທີ່ຈະນຳໄປສັກໃຫ້ແກ່ ທີມງານທີ່ມີອາຍຸ ຕັ້ງແຕ່ 30 ປີຂຶ້ນໄປ.
ສຳລັບການແຂ່ງຂັນ ໂຕກຽວ ໂອລິມປິກຈະຈັດຂຶ້ນໃນວັນທີ 23 ກໍລະກົດ ຫາ 8 ສິງຫານີ້ ຫລັງຈາກຖືກເລື່ອນມາ ຈາກປີກ່ອນ ເນື່ອງຈາກ ການແຜ່ລະບາດ ໂຄວິດ-19.
