ອິນເດຍເກີດແຜ່ນດິນໄຫວ 6,0 ແມກນິຈູດ ທ່າມກາງໂຄວິດລະບາດໜັກ
April 28, 2021 - 3:14 PM
ສຳນັກຂ່າວຣອຍເຕີລາຍງານວ່າ: ລັດອຳສຳ ທີ່ຢູ່ທາງຕາເວັນອອກສຽງເໜືອຂອງປະເທດອິນເດຍເກີດແຜ່ນດິນໄຫວ 6,0 ແມກນິຈູດ ໂດຍມີສູນກາງຄວາມເລິກປະມານ 10 ກິໂລແມັດ.
ຜູ້ຄົນຮັບຮູ້ເຖິງແຮງສັ່ນສະເທືອນໄດ້ຢ່າງຊັດເຈນ ພ້ອມແລ່ນອອກມາຈາກເຮືອນ ຫລື ອາຄານທັນທີ ພົບວ່າມີອາຄານບາງແຫ່ງມີຄວາມເສຍຫາຍ.
ນອກຈາກນັ້ນ ຍັງສົ່ງຜົນໃຫ້ເກີດອາບເຕີຊັອກຕາມມາອີກ 2 ຄັ້ງ ຈຶ່ງຕ້ອງເລັ່ງອົບພະຍົບປະຊາຊົນ ທ່າມກາງການແຜ່ລະບາດຂອງໂຄວິດ-19.
